| e-texts navigator |
| བོད་ཡིག |
175b1 @#/ /rgya gar skad du/ Ar+ya bi kurban rA dza pa ri pr-its+tshA nA ma ma hA yA na sU tra/ bod skad du/ 'phags pa rnam par 'phrul pa'i rgyal pos zhus pa zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal
175b2 lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge slong nyi khri'i dge slong gi dge 'dun mang po dang / byang chub sems dpa' byams pa dang / spyan ras gzigs dbang phyug dang /
175b3 mthu chen thob dang / seng ge blo gros dang / seng ge'i tog dang / seng ge'i rtsal gyis 'gro ba la sogs pa thams cad kyang skye ba gcig gis thogs pa khri dang yang thabs cig tu bzhugs te/ byang chub sems dpa' sems dpa' chen po rnam par 'phrul pa'i rgyal po yang de nyid du
175b4 'dus par gyur te 'dug go/ /yang de'i tshe bcom ldan 'das 'khor 'bum phrag du ma'i nang na 'di lta ste/ theg pa chen po la yang dag par zhugs pa nyid las brtsams te chos ston to/ /de nas byang chub sems dpa' sems dpa' chen po rnam par 'phrul pa'i rgyal po
175b5 stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /gal te zhus nas zhu ba lung bstan pa'i slad
175b6 du bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu lags so/ /de skad ces gsol pa dang / bcom ldan 'das kyis byang chub sems
175b7 dpa' rnam par 'phrul pa'i rgyal po la 'di skad ces bka' stsal to/ /rnam par 'phrul pa'i rgyal po la dri ba lan gdab pa'i phyir/ de bzhin gshegs pas khyod la skabs phye bas rnam par 'phrul pa'i rgyal po khyod ci dang ci 'dod pa dris shig dang / ngas khyod kyi dri ba de dang
iiif viewer powered by OpenSeadragon
Texts on this page
D167 - 'phags pa rnam par 'phrul ba'i rgyal pos zhus pa zhes bya ba theg pa chen po'i mdo