rKTs

e-texts navigator

Volume

Page

169a₁ gshegs pas de skad gsungs nas de bzhin du ston pas gzhan yang 'di skad ces bka' stsal to/ /sems can gang dag chos ni 'dod pa dang / /chos kyi don du brtson 'grus bskyed pa dkon/ /gang dag chos kyi 'khor lo skor byed pa/ /de dag ye shes dam pa thob par
169a₂ 'gyur/ /gzhan las thos nas yang dag 'dzin byed cing / /pha rol don du gnyer la chos ston la/ /shes ldan de dag 'khor du zhum pa med/ /bla med byang chub mchog la reg par 'gyur/ /log par ltung rgyu bud med rnam par spangs/ /rgyal sras rtag tu tshangs par spyod par 'gyur/ /
169a₃ tshangs par spyod la brtan par de gnas shing / /'khor lo bla med dam pa skor bar byed/ /bud med rnams la mtshan ma 'ga' yod de/ /'di ltar sdug bsngal nyam thag skem par 'gyur/ /de dag bsten na zhi ba med pa ste/ /de bas yongs su spongs la byang chub spyod/ /de nas shAkya'i
169a₄ bu bde byed bstan pa 'di thos nas tshim zhing mgu la yi rangs shing rab tu dga' ste/ dga' ba dang yid bde ba skyes nas rang gi lus las rgyan bkrol te/ bcom ldan 'das ga la ba de logs su gtor to/ /de nas bcom ldan 'das kyi mthus rgyan de dag bcom ldan 'das kyi dbu'i
169a₅ drang thad kyi steng gi bar snang la rin po che'i khang pa brtsegs pa zhig tu 'dug par gyur nas/ rin po che'i khang pa brtsegs pa de nas mi rgyan thams cad kyis brgyan pa lnga brgya byung nas/ bcom ldan 'das la rgyan rnams 'thor zhing bla na med pa yang dag par rdzogs pa'i byang chub tu yang
169a₆ sems bskyed nas tshig 'di skad ces bcom ldan 'das bdag cag gi dge ba'i rtsa ba 'di sems can thams cad dang thun mong du bgyis te/ bla na med pa yang dag par rdzogs pa'i byang chub tu yongs su bsngo bar bgyi'o zhes 'dzer to/ /de nas shAkya'i bu bde byed kyis kyang sprul pa'i mi
169a₇ de dag mthong ngo / /mthong nas kyang lus kyi spu zing zhes byed par gyur te/ bcom ldan 'das la 'di skad ces gsol to/ /bcom ldan 'das mi 'di rnams gang nas mchis/ shar phyogs sam/ lho phyogs sam/ nub phyogs sam/ byang phyogs sam/ 'og gam/ steng gi phyogs sam/

_{iiif viewer powered by OpenSeadragon}

168b - 169b

Texts on this page