rKTs

e-texts navigator

Volume

Page

168a₁ pa'i chos dang ldan zhing stong pa nyid la lhag par mos par yang 'gyur/ rtag tu rab tu 'byung ba la mngon par dga' bar 'gyur/ khyim na gnas kyang rtag tu tshangs par spyod pa la mngon par dga' bar 'gyur lags/ de skad ces gsol pa dang / bcom
168a₂ ldan 'das kyis shAkya'i bu gzhon nu bde byed la 'di skad ces bka' stsal to/ /rigs kyi bu khyod de bzhin gshegs pa la don 'di yongs su zhu bar sems pa ni rigs kyi bu khyod skye bo mang po la phan pa dang / skye bo mang po la bde ba dang / 'jig rten la snying brtse ba dang / skye bo
168a₃ phal po che'i don dang / lha dang mi rnams la phan pa dang bde ba'i phyir zhugs pa yin te/ legs so legs so/ /de'i phyir rigs kyi bu khyod legs par rab tu nyon la yid la zung shig dang ngas khyod la bshad do/ /byang chub sems dpa' chos bzhi dang ldan na ji skad smos pa'i
168a₄ yon tan de dag rjes su 'thob ste/ bzhi gang zhe na/ rigs kyi bu 'di la byang chub sems dpa' bzod pa'i stobs dang ldan zhing bzod pa la gnas pa de pha rol gshe yang slar mi gshe ba dang / brdegs kyang slar mi rdeg pa dang / mtshang brus kyang slar mtshang mi 'dru ba dang / khros
168a₅ kyang slar mi khro ba ste/ rigs kyi bu chos bzhi po de dag dang ldan pa'i byang chub sems dpa' ni bla na med pa yang dag par rdzogs pa'i byang chub las phyir mi ldog cing ji skad smras pa'i yon tan phun sum tshogs pa yang rjes su 'thob par 'gyur ro/ /bcom ldan 'das kyis de skad
168a₆ ces bka' stsal te/ bde bar gshegs pas de skad gsungs nas de bzhin du ston pas gzhan yang 'di skad ces bka' stsal to/ /kun tu spyos kyang gshe bar mi byed la/ /gnod byas gzhan la de ni gnod mi byed/ /de ni mi lus spang ba byas nas kyang / /byang chub sems dpa' yon
168a₇ tan de dag 'thob/ /sdig pa'i tshig rnams rtag tu srung byed cing / /sdig pa'i sems kyi dbang du mi 'gro la/ /sdig las log ste 'bras bu de thob nas/ /ye shes mchog nyid myur du thob par 'gyur/ /skye bo gang dag 'tshog rung dga' byed cing / /khro gtum gnod par sems pa'i

_{iiif viewer powered by OpenSeadragon}

167b - 168b

Texts on this page