| e-texts navigator |
| བོད་ཡིག |
159b1 phyi ma'i dus su mdo mchog 'di 'dzin to/ /sangs rgyas 'dren pa gzhal med dpag med kyi/ /spyad pa spyod tshe gang gis rim gro dang / /de bzhin mchod pa mchog dag byed pa ni/ /de ni phyi dus rgyal mchog chos 'dzin to/ /gang zhig bskal pa bye bar tshangs spyod cing / /'jig rten
159b2 mtha' yas don ni sngar spyad pa/ /gang zhig phyi ma'i dus su mdo sde 'di/ /thos pa'i bsod nams grangs su 'gyur ma yin/ /sangs rgyas 'khrugs med yang na tshe dpag med/ /sangs rgyas gzhal med dpag med de dag 'dir/ /sems can snying po gang gis mthong 'dod pa/ /mdo sde
159b3 mdzes pa dpag med bzung bar gyis/ /tshe dpag med dang mi 'khrugs dri med 'od/ /seng ge dang ni tog dang de bzhin du/ /gang zhig sangs rgyas de kun mthong 'dod pa/ /phyi ma'i dus su rgyal mchog chos zung shig /sangs rgyas byams pa dang ni dri med 'od/ /bdag nyid chen po dang ni
159b4 seng ge tog / rab snang gtso bo de bzhin mthong 'dod pa/ /de ni phyi dus rgyal mchog chos zung shig /'di 'dra'i mdo sde khyad par 'phags mchog dag /rin chen dra ba can la nga yis bshad/ /phyi ma'i dus su de tshe khyod kyis ni/ /bag med gnas la 'dug par ma byed cig /phyi ma'i dus
159b5 kyi tshe ru gyur pa na/ /tshul khrims skyon med rtag tu bag byos dang / /de nas khyod ni 'chi ba'i dus byas nas/ /rgyal ba 'od zer mtha' yas can gyi zhing / /rin chen ldan zhes bya ba'i 'jig rten khams/ /steng gi 'jig rten khams su 'gro bar 'gyur/ /de nas khyod ni 'chi ba'i dus byas nas/ /
159b6 myur ba nyid du sangs rgyas byams pa mthong / /bcom ldan 'das kyis de skad ces bka' stsal pa dang / lits+tsha bI gzhon nu rin chen dra ba can dang / byams pa la sogs pa byang chub sems dpa' bye ba phrag bzhi bcu dang / dgra bcom pa bye ba phrag drug cu dang / lha bye ba phrag dgu bcu rtsa dgu rnams yi rangs
159b7 te bcom ldan 'das kyis gsungs pa la mngon par bstod do/ /'phags pa rin chen dra ba can gyis zhus pa zhes bya ba theg pa chen po'i mdo rdzogs // //rgya gar gyi mkhan po dz+nyA na gar b+ha dang / lots+tsha ba ban+de ye shes snying pos bsgyur/ zhus chen gyi lots+tsha ba ban+de dpal brtsegs kyis zhus te gtan la phab pa// //
iiif viewer powered by OpenSeadragon
Texts on this page
D163 - 'phags pa rin chen dra ba can gyis zhus pa zhes bya ba theg pa chan po'i mdo