rKTs

e-texts navigator

Volume

Page

157a₁ dang / de bzhin du steng gi phyogs te/ de ltar phyogs bcu kun gyi phyogs re re na de bzhin gshegs pa'i mtshan gcig pa yang grangs ma mchis la/ de bzhin gshegs pa'i mtshan tha dad pa yang bzhugs so/ /bka' stsal pa/ gzhon nu khyod kyis
157a₂ 'khor los sgyur ba'i rgyal srid la gnas pa de bas kyang ches lhag pa'i sangs rgyas bcom ldan 'das dag mthong ngam/ gsol pa/ bcom ldan 'das mthong lags so/ /bde bar gshegs pa mthong lags so/ /de nas lits+tsha bI gzhon nu rin chen dra ba can mgu zhing dga' la
157a₃ yi rangs/ rab tu dga' zhing dga' ba dang yid bde ba skyes nas de'i tshe sa chen po g.yos par gyur to/ /sems can thams cad la phan pa dang / bde ba skyed pa dang / sems can thams cad kyi sems rab tu dga' ba dang / dge ba'i rtsa ba skyed pa'i snang ba chen po byung bar gyur to/ /lha bye ba
157a₄ khrag khrig 'bum phrag du ma dag nam mkha' la 'khod nas/ lha'i 'dzam bu chu bo'i gser gyi phye ma rnams gtor to/ /tshangs pa bye ba khrag khrig 'bum phrag du ma dag gis kyang lha'i tsan dan dmar po'i phye ma rnams kyis/ bcom ldan 'das la gtor/ mngon par gtor/
157a₅ mngon par rab tu gtor to/ /lha bye ba khrag khrig 'bum phrag du ma dag gis kyang lha'i me tog ud pa la dang / pad ma dang / ku mu da dang / pad ma dkar po dang / man dA ra ba dang / man dA ra ba chen pos gtor/ mngon par gtor/ mngon par rab tu gtor to/ /lha bye ba
157a₆ khrag khrig 'bum phrag du ma dag gis kyang rin po che'i gdugs stong phul lo/ /lha bye ba khrag khrig 'bum phrag du ma dag gis kyang bcom ldan 'das kyi zhabs la mgo bos phyag 'tshal nas ngus te/ gnas bye ba khrag khrig 'bum phrag du ma dag rjes su dran no/ /'di lta
157a₇ ste/ sangs rgyas bcom ldan 'das kyi byin gyi rlabs kyis kyang cho 'phrul bye ba khrag khrig 'bum phrag du ma dag rab tu bstan to/ /de la 'di skad ces bya ste/ bye ba brgya phrag du ma yi/ /lha rnams kho ra khor yug nas/ /tsan dan dmar po zhib mo yis/ /rdzogs sangs

_{iiif viewer powered by OpenSeadragon}

156b - 157b

Texts on this page