rKTs

e-texts navigator

Volume

Page

156b₁ gshegs pa'i 'khor gyi dkyil 'khor du sems can gang dag 'dus pa de dag gis kyang sangs rgyas kyi zhing de mthong ba dang / de'i tshe gang gA'i klung gi bye ma snyed dgu bcu rtsa dgu snyed kyi sangs rgyas bcom ldan 'das rnams 'khor bzhi po la snang bar gyur pa/ de lta bu'i rdzu 'phrul
156b₂ mngon par 'du mdzad pas mngon par 'du mdzad do/ /de nas bcom ldan 'das kyis lits+tsha bI gzhon nu rin chen dra ba can la bka' stsal pa/ gzhon nu khyod kyis steng gi phyogs logs na sangs rgyas bcom ldan 'das 'di ltar bsam gyis mi khyab pa/ 'di ltar gzhal gyis mi
156b₃ lang ba/ 'di ltar thug pa med pa/ 'di ltar tshad med pa/ 'di ltar brjod kyis mi lang ba de dag mthong ngam/ gsol pa/ bcom ldan 'das mthong lags so/ /bde bar gshegs pa mthong lags so/ /bka' stsal pa/ rigs kyi bu 'di lta ste/ stong gsum gyi stong
156b₄ chen po'i 'jig rten gyi khams na lha dang mi rnams kyi ming gi tshogs pas ni de bzhin gshegs pa rnams kyi mtshan ches mang ste/ re re la yang mtshan gyi tshogs grangs med bsam gyis mi khyab pa yod de/ 'di ltar shar phyogs na de bzhin gshegs pa legs par rab tu zhi ba'i
156b₅ dpal dbyangs kyi dbang phyug gi rgyal po zhes bya ba rnams dang / de bzhin du de bzhin gshegs pa zla ba'i dkyil 'khor rnam dag ces bya ba rnams dang / de bzhin du de bzhin gshegs pa me tog gi 'od kyis rnam par rol pa mngon par mkhyen pa'i rgyal po zhes bya ba rnams dang /
156b₆ de bzhin du de bzhin gshegs pa me tog rgyas pa sA la'i rgyal po zhes bya ba rnams dang / de bzhin du de bzhin gshegs pa rin chen 'od zer zla bas brgyan pa mkhas pa'i gzi brjid dbyangs kyi dbang phyug gi rgyal po zhes bya ba rnams te/ de bzhin gshegs pa gcig gi mtshan ji
156b₇ lta bar de bzhin gshegs pa so so'i mtshan yang de dang 'dra bar mthong ngam/ gsol pa/ bcom ldan 'das mthong lags so/ /bde bar gshegs pa mthong lags so/ /de bzhin du lho phyogs dang / nub phyogs dang / byang phyogs dang / de bzhin du 'og gi phyogs

_{iiif viewer powered by OpenSeadragon}

156a - 157a

Texts on this page