rKTs

e-texts navigator

Volume

Page

156a₁ bshad par mi nus so/ /de ltar mtshan 'di thos pa ni/ /phyi dus dag ni mang por yang / /bla med sangs rgyas ye shes la/ /der ni som nyi za mi byed/ /gang gis rdzogs sangs rgyas mthong nas/ /bkur sti rim gro byas pa ni/ /phyi ma'i dus su mdo sde
156a₂ 'di/ /de yi lag tu 'thob par 'gyur/ /nga ni byang chub sems dpa' yis/ /bskor dang dra ba can sus mthong / /des ni mdo sde 'di thos nas/ /de la som nyi za mi 'gyur/ /de bzhin gshegs pa dpag med de/ /sangs rgyas chos la the tsom spangs/ /'di ltar sngon
156a₃ gyi spyod pa ni/ /bskal pa bye ba mang brgyar spyad/ /lag pa rkang pa gtong ba dang / /rna ba sna dang mgo bo dang / /bu pho bu mo yul 'khor dag /byin la yid ni mi dga' med/ /gang zhig mdo sde 'di thos pa/ /phyi ma'i dus na rnyed nas ni/ /gzhan dag la yang ston byed na/ /
156a₄ de ni mchod pa'i 'os su 'gyur/ /sangs rgyas kun gyi spyod yul ba/ /mngon rdzogs byang chub 'dod gang gis/ /nam yang 'jig rten mgon po yi/ /bstan la som nyi ma za cig /de ltar mdo sde 'di thos nas/ /g.yo sgyu med pa'i mis zung la/ /'chag pa dag tu'ang yang dang
156a₅ yang / /mdo sde 'di ni brjod par bgyi/ /brjod byas zla ba gsum dag tu/ /tshang bar shin tu yang brjod na/ /chos rnams thams cad 'dzin byed pa'i/ /gzungs kyi ye shes thob par 'gyur/ /de nas lits+tsha bI gzhon nu rin chen dra ba can bcom ldan 'das kyis legs par gsungs
156a₆ par rig nas rin thang med pa'i ras bcos bu gser gyis brgyan pa zung gcig bcom ldan 'das la mngon par gsol to/ /de nas bcom ldan 'das kyis de'i tshe rdzu 'phrul mngon par 'du mdzad pa ji lta bus bcom ldan 'das kyi sku thams cad kyi/ ba spu'i khung bu thams cad nas 'od
156a₇ zer dag byung ste/ shar phyogs kyi 'jig rten gyi khams dpag tu med grangs med pa ji snyed pa de dag thams cad snang bar gyur pa dang / sangs rgyas kyi zhing de dag na sems can gang dag skyes pa de dag gis sangs rgyas kyi zhing mthong ba dang / sangs rgyas kyi zhing 'di na de bzhin

_{iiif viewer powered by OpenSeadragon}

155b - 156b

Texts on this page