rKTs

e-texts navigator

Volume

Page

154b₁ gzhon nu 'og gi phyogs na gzhon nu dpe snga ma lta bu'i rnam pa de bzhin du dgu bcu rtsa dgur bsgyur ba 'das nas 'jig rten gyi khams rgyal mtshan mchog gi bdag po zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rab tu zhi ba
154b₂ mkhas pa'i gzi brjid dbyangs kyi dbang phyug gi rgyal po zhes bya ba bzhugs te 'tsho zhing gzhes la chos kyang ston to/ /gzhon nu theg pa chen po la yang dag par gnas pa'i rigs kyi bu'am/ rigs kyi bu mo gang la la zhig de bzhin gshegs pa rab tu zhi ba mkhas pa'i gzi brjid
154b₃ dbyangs kyi dbang phyug gi rgyal po de'i mtshan thos nas som nyi mi za la ngas mthong ba la yang yid ches na de tshe 'das pa'i 'og tu kun nas 'od zer zhes bya ba'i ting nge 'dzin thob par 'gyur/ 'chi ba'i dus kyi tshe yang sangs rgyas bye ba khrag khrig phrag 'bum du tshang ba dag mthong bar 'gyur/ shar
154b₄ phyogs su ji lta ba bzhin phyogs thams cad du yang de bzhin du sangs rgyas bye ba khrag khrig phrag 'bum du tshang ba dag mthong bar 'gyur/ sangs rgyas bcom ldan 'das de dag gis gang chos bstan pa de dag thams cad kun du 'dzin par 'gyur/ byang chub la thug gi bar du sangs rgyas
154b₅ grangs med pa bye ba khrag khrig phrag 'bum rnams kyis byin gyis brlabs par 'gyur/ las dang po pa'i byang chub sems dpa' de/ bskal pa bye ba khrag khrig 'bum phrag dgu bcur 'khor ba las phyir phyogs nas bla na med pa yang dag par rdzogs pa'i byang chub tu 'gyur ro/ /de nas
154b₆ bcom ldan 'das kyis don 'di nyid tshigs su bcad pas bka' stsal pa/ gang zhig 'jig rten 'di na sangs rgyas kyi/ /yon tan rgya mtsho'i mtshan mchog thob gyur pa/ /des ni sangs rgyas bye ba khri rnams la/ /myur du mchod pa bla med rab tu byed/ /mtha' yas dri med khyad par
154b₇ mchod byas shing / /srid pa kun tu sangs rgyas che rnams kyi/ /nyi ma mdzad pa'i spyad pa spyod nas su/ /phyis ni byang chub dran dbang des reg 'gyur/ /ji ltar gang gA'i bye snyed rnam par 'dren/ /mang po dag ni tshe gcig gis mchod de/ /kun nas 'od zer ting nge 'dzin thob nas/ /

_{iiif viewer powered by OpenSeadragon}

154a - 155a

Texts on this page