rKTs

e-texts navigator

Volume

Page

153b₁ sangs rgyas mtshan thos som nyi za/ /gzhon nu byang phyogs logs na sangs rgyas kyi zhing 'di nas gzhon nu dpe snga ma lta bu de las sum 'gyur gyis sangs rgyas kyi zhing drug cu 'das pa na 'jig rten gyi khams rin chen dra bas g.yogs pa zhes bya ba yod de/ de na de
153b₂ bzhin gshegs pa dgra bcom pa yang dag par rdzogs pa'i sangs rgyas zla ba'i dkyil 'khor rnam dag ces bya ba bzhugs te/ 'tsho zhing gzhes la chos kyang ston to/ /gzhon nu theg pa chen po la yang dag par gnas pa'i rigs kyi bu'am/ rigs kyi bu mo gang la
153b₃ la zhig de bzhin gshegs pa zla ba'i dkyil 'khor rnam dag de'i mtshan thos nas som nyi mi za zhing ngas mthong ba la yang yid ches na de'i tshe 'das pa'i 'og tu rin chen 'byung gnas zhes bya ba'i ting nge 'dzin thob par 'gyur/ gang gA'i klung gi bye ma snyed kyi sangs rgyas
153b₄ mthong bar 'gyur/ de snyed kyi bskal pa bye bar 'khor ba las phyir phyogs par 'gyur/ las dang po pa'i byang chub sems dpa' de bla na med pa yang dag par rdzogs pa'i byang chub la reg par 'gyur/ dbyangs snyan ldan zhes bya ba'i ting nge 'dzin kyang thob par 'gyur/ bla na med
153b₅ pa yang dag par rdzogs pa'i byang chub las phyir mi ldog par yang 'gyur ro/ /bud med gang la la zhig bcom ldan 'das de bzhin gshegs pa zla ba'i dkyil 'khor rnam dag de'i mtshan thos nas som nyi mi za zhing the tshom mi skye la ngas mthong ba la yang yid ches na/ de tshe 'das pa'i
153b₆ 'og tu bud med kyi dbang po rnam par spangs par 'gyur zhing skyes pa'i dbang po 'thob par 'gyur/ sems can mang po bla na med pa yang dag par rdzogs pa'i byang chub tu yang dag par 'jog par 'gyur/ dbyangs snyan ldan zhes bya ba'i ting nge 'dzin kyang thob par 'gyur/ bla na med
153b₇ pa yang dag par rdzogs pa'i byang chub las phyir mi ldog par yang 'gyur ro/ /de nas bcom ldan 'das kyis de'i tshe tshigs su bcad pa 'di dag bka' stsal to/ /gang zhig rkang gnyis dam pa de yi mtshan/ /thos nas nams kyang som nyi mi za ba/ /bskal pa bye ba gang gA'i bye ma

_{iiif viewer powered by OpenSeadragon}

153a - 154a

Texts on this page