| e-texts navigator |
| བོད་ཡིག |
151a1 sangs rgyas ye shes bla med la/ /som nyi za bar ma byed cig /mdo sde 'di 'dra 'di thos nas/ /me tog spos dang 'phan rnams dang / /gdugs dang phye ma gos rnams kyis/ /gus par byas te mchod par gyis/ /der ni de bzhin gshegs pa yi/ /
151a2 phyag mnyen shin tu 'jam pa yis/ /lits+tsha bI yi mgo bo la/ /yang dang yang du byug pa mdzad/ /de yi rjes la lha rnams kyis/ /sgra skad chen po phyung gyur cing / /lha yi me tog ku su ma/ /yid 'ong gtor cing zhing 'di bkang / /lha rnams mkha' la 'dug nas su/ /glu dbyangs
151a3 dpag tu med pa len/ /tshangs pa dag ni bye ba yis/ /tsan dan dmar po'i char phab po/ /de bzhin gshegs pas mdo sde 'di/ /gsungs tshe dra ba can thos te/ /sems ni rangs shing yid dga' nas/ /de bzhin gshegs la tshig gsol ba/ /phyi ma'i dus su bdag gis
151a4 ni/ /dge slong bgyis la mi 'jigs par/ /grong dang grong khyer rnams dag tu/ /mdo sde 'di ni bshad par bgyi/ /sangs rgyas bka' bzhin bdag bgyid de/ /rdzogs sangs rgyas la dpal gyis gsungs/ /dpag tshad bye bar mchis nas su/ /'di yi tshul ni bshad par
151a5 bgyi/ /lha kun dang ni klu rnams dang / /yang na mi'am ci dang ni/ /mi ma yin rnams mgron gnyer te/ /chos kyi sbyin pas tshim par bgyi/ /bla na med pa'i mdo sde 'di/ /sangs rgyas kyis ni gsungs pa na/ /lha ma yin tshogs dga' gyur nas/ /me tog dpag tu med pa
151a6 'thor/ /sangs rgyas kyi ni zhing 'di dag /mi mchog shAkya seng ge yi/ /chos kyi rgyal po'i spu gcig gis/ /zhing rnams thams cad snang bar mdzad/ /sems can snying po'i bdag nyid can/ /ston pa yi ni ljags phyung nas/ /gang gA'i bye ma snyed dag gi/ /zhing
151a7 rnams bye ba khebs par mdzad/ /de bzhin phyogs bcu'i 'jig rten gyi/ /zhing rnams bye ba khebs mdzad de/ /gzhon nu rin chen dra ba can/ /dpa' bo dang ni lits+tsha bI/ /bye ba drug cu tsam dag ni/ /lhan cig lhags la bka' stsol cig /de nas der ni ston pa yis/ /
iiif viewer powered by OpenSeadragon
Texts on this page
D163 - 'phags pa rin chen dra ba can gyis zhus pa zhes bya ba theg pa chan po'i mdo