rKTs

e-texts navigator

Volume

Page

148a₁ gtugs par 'gyur ram/ gzhon nu de ci snyam du sems/ 'jig rten gyi khams gang du skyes bu des rdul phra rab kyi rdul de dag bzhag pa'am ma bzhag pa de dag bsam pa'am/ bgrang ba'am/ gzhal ba'am/ nye bar brtag par sla'am/ gsol
148a₂ pa bcom ldan 'das de ni ma lags te/ bcom ldan 'das de'i slad du gang zhig dpe 'di bshad pa la yang dag pa'i 'du shes bskyed par 'gyur ba'i sems can de dag ni shes pa'i phung po mchog dang ldan par 'gyur ba lags so/ /gzhon nu 'jig rten gyi khams gang du skyes bu
148a₃ des rdul phra mo'i rdul de dag bzhag gam/ 'on te ma bzhag pa'i 'jig rten gyi khams de dag thams cad kyi 'og gi chu'i phung po nas bzung nas/ srid pa'i rtse mo la thug gi bar gyi rdul phra mo'i rdul rnams kyis yongs su gang bar gyur la/ skyes bu gnyis pa zhig byung
148a₄ bas de dag las rdul phra mo'i rdul gcig khyer te/ ji tsam du 'jig rten gyi khams de dag gi rdul phra mo'i rdul de snyed kyi sangs rgyas kyi zhing bye ba khrag khrig phrag 'bum 'das nas rdul phra mo'i rdul gcig 'jog na/ gzhon nu rnam grangs des na yun ring po 'das pas rdul phra mo'i
148a₅ rdul bsags pa'i phung po chen po de 'dor bar 'gyur ro/ /gzhon nu rnam grangs des na skyes bu phyi ma des grangs med pa brgya stong dgu bcu rtsa dgur bsgyur ba 'das nas sangs rgyas kyi zhing grangs med pa bye ba khrag khrig phrag 'bum snyed 'das pa na 'jig rten gyi khams mu
148a₆ tig can no/ /de na de bzhin gshegs pa dgra bcom pa yang dag par rdzogs pa'i sangs rgyas rin chen 'od zer zla bas brgyan pa mkhas pa'i gzi brjid dbyangs kyi dbang phyug gi rgyal po zhes bya ba bzhugs te 'tsho zhing gzhes la chos kyang ston to/ /gzhon nu byang chub sems
148a₇ dpa'i theg pa la yang dag par gnas pa'i rigs kyi bu'am/ rigs kyi bu mo gang la la zhig de bzhin gshegs pa dgra bcom pa yang dag par rdzogs pa'i sangs rgyas rin chen 'od zer zla bas brgyan pa mkhas pa'i gzi brjid dbyangs kyi dbang phyug rgyal po de'i mtshan

_{iiif viewer powered by OpenSeadragon}

147b - 148b

Texts on this page