| e-texts navigator |
| བོད་ཡིག |
147b1 thams cad chos dkar po la yang dag par bskul/ lhas kyang yongs su bzung bar 'gyur/ byang chub sems dpas kyang bsam par 'gyur/ de bzhin gshegs pas kyang byin gyis rlob par mdzad/ nams kyang sangs rgyas bcom ldan 'das rnams dang 'bral bar mi 'gyur/
147b2 rnam pa thams cad kyi mchog dang ldan pas byang chub sems dpa'i spyod pa dag kyang yongs su rdzogs par 'gyur/ sgra dbyangs kyi rnam pa stong phrag brgyad cu rtsa bzhi yongs su rdzogs pa thob par 'gyur/ tshangs pa'i dbyangs su 'gyur/ 'jig rten gyi khams thams cad dang 'thun
147b3 pa'i sgra dbyangs dang ldan pa lta bzhugs lags sam/ de skad ces gsol pa dang / bcom ldan 'das kyis lits+tsha bI gzhon nu rin chen dra ba can la 'di skad ces bka' stsal to/ /gzhon nu legs so legs so/ /gang khyod de bzhin gshegs pa la/ don 'di 'dri bar
147b4 sems pa ni spobs pa legs shing dpyod pa bzang ngo / /de'i phyir gzhon nu khyod legs par nyon la yid la zung shig dang ngas khyod la bshad do/ /bcom ldan 'das de ltar 'tshal lo zhes gsol te/ byang chub sems dpa' rin chen dra ba can sems rtse gcig tu
147b5 bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /gzhon nu 'di nas shar phyogs logs na 'jig rten gyi khams mu tig can zhes bya ba zhig yod de/ gzhon nu 'di lta ste/ srid pa'i rtse mo gang gA'i klung gi bye ma
147b6 snyed du gyur la/ de dag thams cad kyang rdul phra mo'i rdul snyed kyis yongs su gang bar gyur cing / de nas skyes bu 'ga' zhig byung bas de dag la rdul phra mo'i rdul cig khyer te/ ji tsam du 'jig rten gyi khams srid pa'i rtse mo'i mthas gtugs pa de dag rdul phra mo'i rdul
147b7 gyis yongs su gang ba ji snyed pa de snyed kyi sangs rgyas kyi zhing bye ba khrag khrig phrag 'bum 'das nas rdul phra mo'i rdul gcig 'jog na/ gzhon nu rnam grangs de dang grangs de'i gzhis yun ring po 'das pas rdul phra mo'i rdul gyi phung po chen po'i mtha' de dag zad pa'am/
iiif viewer powered by OpenSeadragon
Texts on this page
D163 - 'phags pa rin chen dra ba can gyis zhus pa zhes bya ba theg pa chan po'i mdo