rKTs

e-texts navigator

Volume

Page

146b₁ srid tsam du mngon par 'phags te yangs pa can gyi grong khyer chen por gshegs so/ /bskyod ma thag tu de bzhin gshegs pa'i byin gyi rlabs kyis stong gsum gyi stong chen po'i 'jig rten gyi khams de thams cad rnam pa drug tu 'gul/ rab tu 'gul/ kun du rab tu 'gul/
146b₂ g.yos rab tu g.yos/ kun du rab tu g.yos/ ldeg rab tu ldeg /kun du rab tu ldeg /'ur 'ur rab tu 'ur 'ur/ kun du rab tu 'ur 'ur/ chem chem rab tu chem chem/ kun du rab tu chem chem ste/ ltas brgyad dang ldan pa rnam pa drug tu g.yos so/ /gzhan
146b₃ yang cho 'phrul bye ba sa ya brgya phrag stong snyed ston cing yangs pa can du gshegs so/ /de'i tshe lha bye ba sa ya brgya phrag stong du ma lha'i me tog ud pa la dang / pad ma dang / ku mu da dang / pad ma dkar po rnams dang / lha'i rin po che las byas pa'i me tog rnams dang /
146b₄ lha'i a ga ru'i phye ma dang / rin po che'i phye ma dang / 'dzam bu chu bo'i gser dang / lha'i rin po che'i phye ma rnams kyis bcom ldan 'das la mngon par gtor/ mngon par rab tu gtor to/ /lha'i sil snyan bye ba khrag khrig phrag 'bum mngon par rab tu dkrol to/ /lha'i
146b₅ rgyan dpag tu med pa rnams kyis brgyan to/ /steng gi bar snang la tsan dan dmar po shing rta'i srog shing tsam gyi char gyi rgyun phab par gyur to/ /de nas bcom ldan 'das lits+tsha bI gzhon nu rin chen dra ba can gyi gnas ga la ba der gshegs te/ byon nas gdan bshams pa de
146b₆ la bzhugs te/ dge slong gi dge 'dun dang / dge slong ma'i dge 'dun dang / dge bsnyen dang / dge bsnyen ma'i 'khor rnams dang thabs cig go/ /de nas lits+tsha bI gzhon nu rin chen dra ba can bcom ldan 'das bzhugs par rig nas rang gi lag nas bca' ba dang / bza'
146b₇ ba dang / myang ba bzang po rab tu mang pos tshim par byed cing gang bzhed pa stob par byed do/ /de nas lits+tsha bI gzhon nu rin chen dra ba can bcom ldan 'das kyis zhal zas gsol lags par rig nas lhung bzed blangs te chab phul nas phyag bcabs so/ /bye ba khrag

_{iiif viewer powered by OpenSeadragon}

146a - 147a

Texts on this page