| e-texts navigator |
| བོད་ཡིག |
146a1 'das kyis chos dang ldan pa'i gtam gyis yang dag par dga' bar mdzad/ yang dag par 'dzin du 'jug /yang dag par gzengs stod/ yang dag par rab tu dga' bar mdzad do/ /de nas lits+tsha bI gzhon nu rin chen dra ba can gyis bla gos phrag pa
146a2 gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das sang dge slong gi dge 'dun dang thabs cig tu bdag gi
146a3 sdum par gdugs tshod gsol bar ci gnang / bcom ldan 'das kyis lits+tsha bI gzhon nu rin chen dra ba can la thugs brtse ba nye bar bzung ste/ cang mi gsung bar gyur pas gnang ngo / /de nas lits+tsha bI gzhon nu rin chen dra ba can bcom ldan 'das kyis cang mi gsung bar gyur
146a4 pas gnang bar rig nas bcom ldan 'das la lan gsum bskor ba byas te/ bcom ldan 'das kyi thad nas song ngo / /de nas lits+tsha bI gzhon nu rin chen dra ba can lha'i dbang po brgya byin dang / mi mjed kyi bdag po tshangs pa dang / lha'i bu dpal bzang ldan dang lhan cig tu
146a5 yangs pa'i grong khyer chen por zhugs so/ /spro ba dang dga' ba'i gzugs rnams kyis zhal zas ro brgya dang ldan pa'i rnam pa sbyor du bcug go/ /sbyar nas de'i mtshan mo 'das pa dang gdan bshams shing yangs pa legs par brgyan nas/ bcom ldan 'das ga la ba der
146a6 song ste phyin pa dang / bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas lits+tsha bI gzhon nu rin chen dra ba can gyis bcom ldan 'das la 'di skad ces gsol to/ /bcom ldan 'das gdugs tshod la bab ste/ de'i dus la da
146a7 bab par mkhyen na gdugs tshod lags te/ dus la bab lags so/ /de nas bcom ldan 'das snga dro'i dus kyi tshe/ smad g.yogs dang chos gos gsol/ lhung bzed bsnams te dge slong gi dge 'dun dpag tu med pa dang thabs cig tu steng gi bar snang la mi bdun gyi
iiif viewer powered by OpenSeadragon
Texts on this page
D163 - 'phags pa rin chen dra ba can gyis zhus pa zhes bya ba theg pa chan po'i mdo