rKTs

e-texts navigator

Volume

Page

145a₁ 'jig rten 'byung bar dka'/ /ji ltar u dum bA ra'i me tog ni/ /mdog ldan mdzes shing shin tu dri zhim la/ /dri ngad ldan zhing rdul bcom nyon mongs med/ /de 'dra'i me tog mchog ni rnyed par dka'/ /de'i phyir bdag gis yab la gsol 'debs pa/ /
145a₂ da ni dgyes pa'i thugs kyis bdag la gnang / /gang zhig 'jig rten mgon po 'od mdzad pa/ /don dam gzigs pa la ni mchod par bgyid/ /lits+tsha bI stobs mtha' yas sems dga' bas/ lits+tsha bI seng ge zhes bya ba la smras pa/ ded dpon rgyal ba la ni mchod mdzad de/ /
145a₃ bdag gi gzhon nu bstan la gnas par mdzod/ /'dren pa shAkya seng ge mchod pa dang / /gzhon nu mchog gi spro ba bskyed pa'i phyir/ /khyim pa bye ba drug cu brtson par gyur/ /brgya byin lha mig stong dang ldan pa dang / /tshangs pa dang ni dbang phyug dbang sgyur lha/ /bdud
145a₄ kyi bu pho ded dpon bzang po dang / /bye ba sa yi lha dang lhan cig tu/ /yangs pa can gyi dga' bar thams cad zhugs/ /gser las byas dang de bzhin dngul gyi khri/ /bye ba phrag ni stong du tshang ba dag /rin chen bdun gyis de dag mdzes byas pa/ /re re yang ni bye ba stong du
145a₅ tshang / /khri yi g.yas dang g.yon du rin po che/ /rin chen sna bdun rgyal mtshan bzang por btsugs/ /khri de'i tshad ni dpag tshad rangs par yod/ /rgyal mtshan dag kyang dpag tshad phyed par mtho/ /rgyal mtshan rnams kyi g.yas dang g.yon du ni/ /de'i drung dpag tshad
145a₆ bas mtho stegs bu dag / rang bzhin gcig ste nor bu rin po che/ /bye ba las byas dpag tshad mtho bar 'phags/ /khri yi bar bar lha yi ba dan yang / /dpag tshad bas kyang ring ba sha stag dpyangs/ /ba dan lda ldi gser gyi dra ba dag /dril bu g.yer ka dag gis mdzes par byas/ /
145a₇ khri rnams kyi ni 'og tu ka ba yang / /bye ba phrag stong bya ba legs par sbyar/ /gang gis 'di ru khri mchog de dag ni/ /brtan par byas pa sgo gtan bcug pa bzhin/ /khri yi steng du gser las byas pa dang / /gser lta bu dang dngul dang bai dUr+ya/ /de bzhin shel dang spug dang rdo snying

_{iiif viewer powered by OpenSeadragon}

144b - 145b

Texts on this page