rKTs

e-texts navigator

Volume

Page

108a₁ sgo nas mya ngan 'das pa yongs tshol zhing / /sems can ji bzhin mos pa thabs kyis yongs su shes/ /lha'i bu byang chub sems dpa' sems dpa' chen po chos bzhi dang ldan na sems can thams cad kyi nye bar 'tsho ba rnams yin te/ bzhi gang zhe na/
108a₂ longs spyod mi zad pa dang / chos ston pa mi zad pa dang / mngon par shes pa thob pa dang / sems sa ltar mnyam pa ste/ chos bzhi po de dag dang ngo / /de la 'di skad ces bya ste/ de dag rnams kyi longs spyod rtag tu mi zad cing / /rtag tu chos kyi mi zad rgya mtsho 'dra ba
108a₃ yin/ /de dag mngon shes lnga po mi zad rtag mi g.yo/ /rtag tu dran ldan bsam pa sa dang 'dra ba yin/ /mnyam med byang chub phyir ni yang dag zhugs gyur cing / /mya ngan ma 'das gang la chos rnams de yod pa/ /de dag 'gro ba kun gyi nye bar 'tsho 'gyur zhing / /byang
108a₄ chub mchog phyir myur du nges par 'byung bar 'gyur/ /lha'i bu byang chub sems dpa' sems dpa' chen po chos bzhi dang ldan na 'jig rten thams cad mngon par 'du bar 'gyur ba rnams yin te/ bzhi gang zhe na/ tshangs pa'i gnas pa bzhi gnas pa dang / bsdu ba'i dngos po
108a₅ bzhis bsdus pa dang / bden pa bzhi shes pa dang / so so yang dag par rig pa bzhi thob pa ste/ chos bzhi po de dag dang ngo / /de la 'di skad ces bya ste/ tshangs pa'i gnas pa bzhi po dag gis gnas byed cing / /bsdu ba'i dngos po dag la rtag tu dga' byed la/ /bden
108a₆ pa bzhi po dag la 'jigs med dpa' bo rnams/ /'gro bas ri mo byas shing mchod pa byas par 'gyur/ /so so yang dag rig pa'i pha rol son gyur cing / /'chang dang klog pa dag la rtag tu brtson gyur la/ /pha rol bde bar gyur pa'i bde bas mgu byed na/ /de phyir de
108a₇ dag yid du 'ong zhing sdug par 'gyur/ /lha'i bu byang chub sems dpa' sems dpa' chen po chos bzhi dang ldan na srog chags thams cad kyis bsngags par 'gyur ba rnams yin te/ bzhi gang zhe na/ thos pa dang tshul khrims dang ldan zhing / tshul 'chos pa med pa dang /

_{iiif viewer powered by OpenSeadragon}

107b - 108b

Texts on this page