| e-texts navigator |
| བོད་ཡིག |
105a1 ces bya ste/ nyam nga gnod par gyur kyang byang chub sems mi gtong / /de dag skyob pa'i chos thos sgrub pa snying por byed/ /bka' blo bde 'thun ji skad smras pa de bzhin byed/ /mkhas pa de dag chos kun rang bzhin bdag med 'jug /de
105a2 ltar brtson pa'i shes ldan smras bzhin byed 'gyur zhing / /rtag brtson mi 'dor rjes 'thun bdag med ci yang med/ /rtag tu snyan pa'i phreng ba phyogs bcur grags 'gyur zhing / /de ltar chos smra de dag chos kyi shes pas 'phags/ /lha'i bu byang chub
105a3 sems dpa' sems dpa' chen po chos bzhi dang ldan na sems can rnams la chos smra ba rnams yin te/ bzhi gang zhe na/ bdag nyid bsgrub pa la gnas shing sems can rnams la chos ston pa dang / bdag nyid dul ba dang / bsrung ba dang / grol
105a4 ba dang / btul ba dang / yongs su mya ngan las 'das shing sems can gzhan dag dul bar bya ba dang / bsrung ba dang / dgrol ba dang / gdul ba dang / yongs su mya ngan las bzla ba'i phyir chos ston par byed pa dang / bdag nyid yang dag par rdzogs
105a5 pa'i byang chub tu bsam pa nges par gyur cing / sems can rnams kyang theg pa chen po la rab tu 'god par byed pa dang / bdag nyid chos 'dod cing / chos 'dod pas gzhan dag la yang ston par byed pa ste/ chos bzhi po de dag dang ngo / /de la 'di skad
105a6 ces bya ste/ bsgrub pa snying por byed cing 'gro la chos ston la/ /dul bsrung legs btul shin tu mya ngan 'das gnas kyang / /gang dag ma dul ma bsrungs ma btul mya ngan 'das/ /ma 'das de dag chos kyi dkon mchog 'byor bar 'dzud/ /de dag byang
105a7 chub sems la bsam pa nges gyur cing / /theg pa de la 'gro ba rnams kyang 'god par byed/ /rtag tu chos 'dod don ldan bla ma gus byed cing / /sems can rnams la de dang 'thun pa'i chos rnams ston/ /lha'i bu byang chub sems dpa' sems dpa' chen po
iiif viewer powered by OpenSeadragon
Texts on this page
D161 - 'phags pa lha'i bu rab rtsal sems kyis zhus pa zhes bya ba theg pa chen po'i mdo