rKTs

e-texts navigator

Volume

Page

103b₁ dag byang chub tu sems ma bskyed pa de dag byang chub tu sems bskyed du 'jug pa dang / sprul pa lta bur dus gsum yongs su bsngo ba dang / byang chub kyi sems dang ma bral bas dge ba'i rtsa ba thams cad skyed pa mngon par 'du byed pa ste/ chos bzhi po de dag dang ldan pa'o/ /
103b₂ de la 'di skad ces bya ste/ mkhas pa gang dag shes rab pha rol phyin 'doms shing / /byang chub zhugs pas byang chub sems 'dzin 'jug byed pa/ /gang dag byang chub zhugs pas dus gsum yi rang zhing / /yid dang ma bral sprul 'dra byang chub 'dod byed pa/ /dge
103b₃ ba gang yin cung zad byed pa thams cad ni/ /thams cad mkhyen nyid sems la rten par byed pa yin/ /lha'i bu byang chub sems dpa' sems dpa' chen po chos bzhi dang ldan na ye shes kyis chags pa med par spyod pa rnams yin te/ bzhi gang zhe na/ shes pas byis
103b₄ pa'i bya ba rnams byed cing / nga rgyal gyis byas pa rnams mi byed pa dang / chos thams cad rkyen las rag las shing byin gyis rlob pa med la gang zag dang bral bar shes pa dang / stong pa nyid spyod yul du gyur cing / sems can thams cad mi gtong ba'i bsam pa dang ldan
103b₅ pa dang / chags pa thams cad las yang dag par 'das shing skye mched drug yongs su shes pa srung ba ste/ chos bzhi po de dag dang ngo / /de la 'di skad ces bya ste/ shes pas las byed de dag nga rgyal yod min zhing / /brten la mkhas pa yin zhing de dag lta med la/ /
103b₆ stong nyid spyod yul de dag sems can mi gtong zhing / /chags pa kun las 'das shing phyi nang gnas pa ni/ /chos mchog bzhi po de la shin tu rab gnas pa/ /shes pas pha rol phyin cing chags med spyod pa yin/ /lha'i bu byang chub sems dpa' sems dpa'
103b₇ chen po chos bzhi dang ldan na shes rab kyi mun pa dang bral ba rnams yin te/ bzhi gang zhe na/ thos pas ngoms pa med cing tshul bzhin la rab tu sbyor ba dang / zang zing med pa'i sems kyis chos ston pa dang / chos kyi dbyings dbyer med pa shes par bya ba'i phyir nyon

_{iiif viewer powered by OpenSeadragon}

103a - 104a

Texts on this page