| e-texts navigator |
| བོད་ཡིག |
102b1 mtsho lta bu rnams lags/ ji ltar na byang chub sems dpa' sems dpa' chen po chos la dbang sgyur bas dbang phyug tu gyur pa rnams lags/ ji ltar na byang chub sems dpa' sems dpa' chen po bgyi ba thams cad la slob dpon du gyur pa rnams lags/ ji ltar na byang chub
102b2 sems dpa' sems dpa' chen po thams cad du kha na ma tho ba ma mchis shing yon tan rnam pa thams cad dang ldan pa rnams lags/ de skad ces gsol pa dang / bcom ldan 'das kyis lha'i bu rab rtsal sems la 'di skad ces bka' stsal to/ /rab rtsal sems legs so
102b3 legs so/ /lha'i bu khyod byang chub sems dpa' sems dpa' chen po 'jig rten thams cad las mngon par 'phags pa/ 'jig rten gyi yongs su 'dren pa/ snying rje chen po dang ldan pa/ bskal pa grangs med pa nas go cha bgos pa/ brtson 'grus shin tu brtan pa/ ded
102b4 dpon chen po/ sems can dpag tu med pa'i don byed pa/ sems can dpag tu med pa thams cad thang bde ba la rab tu 'god pa la mkhas pa/ yon tan dpag tu med pa dang ldan pa rnams kyi don du de bzhin gshegs pa la yongs su zhu ba ni yang khyod legs so/ /lha'i bu
102b5 de'i phyir legs par rab tu nyon la yid la zung shig dang / ji ltar byang chub sems dpa' sems dpa' chen po rnams kyi yon tan gyi khyad par de dag dang gzhan dag kyang 'thob par 'gyur ba ngas khyod la bshad par bya'o/ /lha'i bu rab rtsal sems kyis bcom ldan 'das de ltar
102b6 'tshal lo zhes gsol te/ bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ /lha'i bu byang chub sems dpa' sems dpa' chen po chos bzhi dang ldan na theg pa chen po la gzhan gyi dring mi 'jog pa rnams yin te/ bzhi gang zhe
102b7 na/ thabs la mkhas pas mngon par bsgrub pa'i shes rab dang / snying rje chen pos mngon par bsgrub pa'i byams pa dang / don dang chos kyis mngon par bsgrub pa'i spobs pa dang / byang chub kyi yan lag gi rnam pas mngon par bsgrub pa'i mngon par shes pa lnga po
iiif viewer powered by OpenSeadragon
Texts on this page
D161 - 'phags pa lha'i bu rab rtsal sems kyis zhus pa zhes bya ba theg pa chen po'i mdo