| e-texts navigator |
| བོད་ཡིག |
101a1 rgya gar skad du/ Ar+ya su bi krAn+ta tsin+ta de ba pu tra pa ri pr-Its+tshA nA ma ma hA yA na sU tra/ bod skad du/ 'phags pa lha'i bu rab rtsal sems kyis zhus pa zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag
101a2 'tshal lo/ /'di skad bdag gis thos pa dus gcig na/ bcom ldan 'das mnyan du yod pa na rgyal bu rgyal byed kyi tshal mgon med zas sbyin gyi kun dga' ra ba na dge slong khri'i dge slong gi dge 'dun chen po dang / 'jig rten gyi khams gzhan dag nas 'dus pa'i byang chub sems
101a3 dpa' stong phrag rab tu mang po dang / 'dod pa na spyod pa dang / gzugs na spyod pa'i lha'i bu rnams dang / de las gzhan pa'i lha'i bu rnams dang / klu'i rgyal po rgya mtsho la sogs pa klu'i 'khor mang po dang / gnod sbyin gyi rgyal po lus ngan la sogs pa gnod sbyin gyi 'khor mang po
101a4 rnams dang / nam mkha' lding gi rgyal po stobs chen la sogs pa nam mkha' lding gi 'khor mang po rnams dang / lha ma yin gyi dbang po sgra gcan la sogs pa lha ma yin gyi 'khor mang po rnams dang / mi 'am ci'i rgyal po ljon pa la sogs pa mi 'am ci'i 'khor mang po rnams
101a5 dang / lto 'phye chen po'i dbang po lag la sogs pa lto 'phye chen po'i 'khor mang po rnams dang / rgyal po chen po bzhi 'khor dang bcas pa rnams dang / lha'i dbang po brgya byin lha'i bu stong phrag mang po'i 'khor dang bcas pa dang / mi mjed kyi bdag po tshangs pa tshangs
101a6 ris kyi lha'i bu 'bum phrag du ma'i 'khor dang bcas pa dang / /rgyal po gsal rgyal 'khor stong phrag du ma dang bcas pa dang / khyim bdag mgon med zas sbyin 'khor dang bcas pa dang thabs cig tu bzhugs te/ de dag la sogs pa 'khor bzhi po rnams kyis yongs su bskor
101a7 cing mdun gyis bltas te chos ston to/ /de'i tshe na 'jam dpal gzhon nur gyur pa/ 'khor de nyid du 'dus par gyur te 'dug go/ /lha'i bu byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog pa rab rtsal sems kyang
iiif viewer powered by OpenSeadragon
Texts on this page
D161 - 'phags pa lha'i bu rab rtsal sems kyis zhus pa zhes bya ba theg pa chen po'i mdo