rKTs

e-texts navigator

Volume

Page

207b₁ lags/ ji ltar na las kyi rnam par smin pa la rton pas chos kyi stobs can rnams lags/ ji ltar na 'jig rten gyi zang zing dang chos kyi sbyin pa la ser sna ma mchis pas sbyin pa'i stobs can rnams lags/ ji ltar na rnam par smin pa la mi re bar bdog pa thams cad yongs su
207b₂ gtong ba rnams lags/ ji ltar na smon lam gyis yang dag par song zhing ngan song thams cad kun tu chad pas tshul khrims kyi stobs can rnams lags/ ji ltar na sems can sdang ba thams cad dang du len pa'i rang bzhin can pas bzod pa'i stobs can rnams lags/ ji ltar na lus dang
207b₃ srog la mi lta bas brtson 'grus kyi stobs can rnams lags/ ji ltar na rab tu zhi ba la gnas shing bsam gtan las ldog pa yang mkhas pas/ bsam gtan gyi stobs can rnams lags/ ji ltar na sdig pa'i lta ba rnams dang bral zhing ma rig pa dang gti mug gi mun pa dang
207b₄ bral bas shes rab kyi stobs can rnams lags/ ji ltar na sems can yongs su smin par bgyi ba la yongs su smin par bgyi ba'i go cha 'tshal bas thabs kyi stobs can rnams lags/ ji ltar na lha'i mig dang lha'i rna ba dang pha rol gyi sems 'tshal ba dang / sngon gyi skye ba dang / rdzu 'phrul
207b₅ gyi bgyi bas rnam par rtsen pas mngon par shes pa thob pa rnams lags/ ji ltar na spobs pa rgyun mi 'chad cing tshig dang yi ge mi zad pas spobs pa'i stobs can rnams lags/ ji ltar na thos pa thams cad kun tu 'dzin pas gzungs thob pa rnams lags/ ji ltar na chos dkon mchog
207b₆ gcig la yang dag par gzhol bar bskyud pa ma mchis pa dang / rgya mtsho'i phyag rgya'i ting nge 'dzin rab tu thob pa rnams lags/ ji ltar na sangs rgyas la lta ba rnam par dag pa la yang dag par gzhol bas sangs rgyas rjes su dran pa bskyud pa ma mchis pa rnams lags/ chos la lta ba rnam par dag
207b₇ pa la yang dag par gzhol bas chos rjes su dran pa rab tu thob pa rnams lags/ phyir mi ldog pa'i dge 'dun la yang dag par gzhol bas dge 'dun rjes su dran pa rab tu thob pa rnams lags/ byang chub kyi sems ma bskyud pas tshul khrims rjes su dran pa rab tu thob pa rnams lags/

_{iiif viewer powered by OpenSeadragon}

207a - 208a

Texts on this page