| e-texts navigator |
| བོད་ཡིག |
206a1 rgya gar skad du/ Ar+ya a na ba tap+ta nA ga rA dza pa ri prIts+tshA nA ma ma hA yA na sU tra/ bod skad du/ 'phags pa klu'i rgyal po ma dros pas zhus pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /
206a2 'di skad bdag gis thos pa dus gcig na/ bcom ldan 'das rgyal po'i khab na bya rgod phung po'i ri la/ dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu
206a3 bzhugs te/ de'i tshe bcom ldan 'das 'khor brgya stong phrag du mas bskor nas mdun gyis bltas te chos ston to/ /de nas klu'i rgyal po ma dros pa/ klu'i rgyal po 'bum phrag drug cu rtsa brgyad dang / klu'i bu mo brgyad khri bzhi stong gis bskor te mdun du bdar
206a4 nas sil snyan dang / glu dbyangs len cing klu'i mthu chen po dang / klu'i rdzu 'phrul chen pos me tog dang / bdug pa dang / spos dang / phreng ba dang / byug pa dang / phye ma dang / gos dang / gdugs dang / rgyal mtshan dang / ba dan rnams thogs te/ bcom ldan
206a5 'das ga la ba der song nas phyin pa dang / bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ ji ltar thogs pa'i me tog dang / bdug pa dang / spos dang / phreng ba dang / byug pa dang / phye ma dang / gos dang /
206a6 gdugs dang / rgyal mtshan dang / ba dan dang / sil snyan dang / pheg rdob pa de dag gis bcom ldan 'das la mchod pa byas te/ gus pa dang bcas/ zhe sa dang bcas shing rang gi skye bo'i 'khor dang phyogs gcig tu 'dug go/ /'dug nas kyang thal mo sbyar te bcom
206a7 ldan 'das la 'di skad ces gsol to/ /gal te zhus nas zhu ba lung bstan pa'i slad du bcom ldan 'das kyis bdag la skabs dbye bar gnang na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig
iiif viewer powered by OpenSeadragon
Texts on this page
D156 - 'phags pa klu'i rgyal po ma dros pas zhus pa zhes bya ba theg pa chan po'i mdo