rKTs

e-texts navigator

Volume

Page

203a₁ rnam par smin pa gnyis mngon par sgrub ste/ yid du mi 'ong ba thos pa dang / thab mo'i tshig tu 'gyur ba'o/ /tshig kyal pas ni sems can dmyal bar khrid do/ /dud 'gro'i skye gnas su khrid do/ /gshin rje'i 'jig rten du khrid do/ /de nas
203a₂ gal te mi rnams kyi nang du skyes na yang rnam par smin pa gnyis mngon par sgrub ste/ gzung bar 'os pa'i tshig ma yin pa dang / ma nges pa'i spobs par 'gyur ba'o/ /brnab sems kyis ni sems can dmyal bar khrid do/ /dud 'gro'i skye gnas su khrid do/ /gshin rje'i 'jig
203a₃ rten du khrid do/ /de nas gal te mi rnams kyi nang du skyes na yang rnam par smin pa gnyis mngon par sgrub ste/ chog mi shes pa dang / 'dod pa che bar 'gyur ba'o/ /gnod sems kyis ni sems can dmyal bar khrid do/ /dud 'gro'i skye gnas su khrid do/ /gshin rje'i 'jig
203a₄ rten du khrid do/ /de nas gal te mi rnams kyi nang du skyes na yang rnam par smin pa gnyis mngon par sgrub ste/ mi phan pa 'dod pa dang / gzhan gyis gnod pa bya bar 'gyur ba'o/ /log par lta bas ni sems can dmyal bar khrid do/ /dud 'gro'i skye gnas su khrid do/ /
203a₅ gshin rje'i 'jig rten du khrid do/ /de nas gal te mi rnams kyi nang du skyes na yang rnam par smin pa gnyis mngon par sgrub ste/ lta ba ngan par ltung ba dang / g.yo sgyu can du 'gyur ba'o/ /klu'i bdag po de ltar na mi dge ba bcu po 'di dag gis sdug bsngal gyi phung po chen po tshad
203a₆ med pa yang dag par sgrub par 'gyur ro/ /klu'i bdag po de la srog gcod pa spangs pa'i byang chub sems dpas sbyin pa byin na longs spyod che bar 'gyur/ longs spyod mi 'phrogs pa dang tshe ring bar 'gyur ro/ /byang chub sems dpa'i spyad pa spyod pa na yang gzhan gyis gnod
203a₇ pa bya ba'i 'jigs pa las yang dag par 'das par 'gyur ro/ /klu'i bdag po ma byin par len pa spangs pa'i byang chub sems dpas sbyin pa byin na longs spyod che bar 'gyur/ longs spyod mi 'phrogs pa dang dngos po thams cad la mi lta bar yongs su gtong ba can du

_{iiif viewer powered by OpenSeadragon}

202b - 203b

Texts on this page