rKTs

e-texts navigator

Volume

Page

201b₁ gcig tu nges pa gsum po de dag 'thob bo/ /tshig kyal pa spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su sngo na/ de dge ba'i rtsa ba des phyad par lung ston cing gzhan du mi gsung ba'i de bzhin gshegs par 'gyur ro/ /
201b₂ klu'i bdag po brnab sems spangs pa'i skyes bu gang zag ni dbang po lnga 'thob bo/ /lnga gang zhe na/ 'di lta ste/ dbang po ma tshang ba med pas lus dang / ngag dang / sems la dbang ba 'thob pa dang / dgra thams cad kyis mi rdzi bas longs spyod dang dbang phyug la dbang
201b₃ ba rgya chen po 'thob pa dang / bsod nams kyi dbang gis de'i sems longs spyod dang yongs su spyod pa rgya chen po thams cad la 'gro ba dang / dgab pa mchog 'thob pas rgyal po dang dbang pos mchod pa dang / sngon phrag dog med pas longs spyod ji ltar smon pa rnams de
201b₄ las stong phrag brgya 'gyur du khyad par du 'gyur ba 'thob pa ste/ klu'i bdag po brnab sems spangs pa'i skyes bu gang zag ni dbang po lnga po de dag 'thob bo/ /brnab sems spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su sngo na/
201b₅ de dge ba'i rtsa ba des 'jig rten gsum gyis mchod pa'i de bzhin gshegs pa ston pa gcig pur 'gyur ro/ /klu'i bdag po gnod sems spangs pa'i skyes bu gang zag ni yid bde bar byed pa'i chos brgyad 'thob bo/ /brgyad gang zhe na/ 'di lta ste/ de'i sems
201b₆ rnam par mi 'tshe ba la 'gro bar 'gyur ba dang / de'i sems gnod sems rab tu zhi ba la 'gro bar 'gyur ba dang / de'i sems rtsod pa med cing 'thab pa med pa la 'gro bar 'gyur ba dang / de'i sems drang zhing mnyen la des pa la 'gro bar 'gyur ba dang / 'phags pa'i
201b₇ skye bor grags par 'gyur ba dang / sems can thams cad la bde bar dga' zhing byams pa'i sems phan pa'i dngos po mang bar 'gyur ba dang / bde ba la mngon par dga' zhing dad pa mang la skye bo mang pos bsti stang bya bar 'gyur ba dang / sems snum zhing las su rung

_{iiif viewer powered by OpenSeadragon}

201a - 202a

Texts on this page