rKTs

e-texts navigator

Volume

Page

200b₁ pas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /klu'i bdag po 'dod pa la log par g.yem pa spangs pa'i skyes bu gang zag ni mkhas pas bsngags pa'i chos bzhi 'thob bo/ /bzhi gang zhe na/ 'di lta ste/ dbang
200b₂ po sdom pa dang / rgod pa las yang dag par 'da' ba dang / 'jig rten thams cad kyis bsngags pa dang / chung ma mi 'phrogs pa ste/ klu'i bdag po 'dod pa la log par g.yem pa spangs pa'i skyes bu gang zag ni mkhas pas bsngags pa'i chos bzhi po de dag 'thob bo/ /
200b₃ 'dod pa la log par g.yem pa spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su sngo na/ de dge ba'i rtsa ba des skyes bu chen po'i mtshan mdoms kyi sba ba sbubs su nub pa 'thob bo/ /klu'i bdag po du smra ba spangs pa'i skyes bu
200b₄ gang zag ni lha dang mis bsngags pa'i chos brgyad 'thob bo/ /brgyad gang zhe na/ 'di lta ste/ ud pa la'i dri 'byung bas kha yongs su dag pa 'thob par 'gyur ba dang / 'jig rten thams cad kyi tshad mar 'gyur ba dang / lha dang mi dga' bas dbang gcig por 'gyur ba
200b₅ dang / dbugs 'byin pas 'byung po rnams dogs pa med par 'gyur ba dang / lhag pa'i bsam pa phun sum tshogs pas lus dang / ngag dang / sems yongs su dag par 'gyur ba dang / tshig 'khrul pa med pas mchog tu dga' ba mang bar 'gyur ba dang / tshig gzung
200b₆ bar 'os pas ngag nyan par 'gyur ba dang / shes rab thob pas lha dang mi rnams kyi nang du kha na ma tho ba med par 'gyur ba yin te/ klu'i bdag po du smra ba spangs pa'i skyes bu gang zag ni lha dang mis bsngags pa'i chos brgyad po de dag 'thob bo/ /du smra ba spangs
200b₇ pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su sngo na/ de dge ba'i rtsa ba des bden pa'i rjes su 'jug pa'i tshig tu 'gyur ro/ /klu'i bdag po phra ma'i tshig spangs pa'i skyes bu gang zag ni mi phyed pa lnga 'thob bo/ /lnga gang zhe na/

_{iiif viewer powered by OpenSeadragon}

200a - 201a

Texts on this page