rKTs

e-texts navigator

Volume

Page

199b₁ skabs mi 'byed do/ /de mi dge ba'i chos spangs te dge ba'i chos dang ldan pas bsam pa dag pa'i sems can 'di lta ste/ sangs rgyas dang / byang chub sems dpa' dang / 'phags pa nyan thos dang / rang sangs rgyas rnams dang 'grogs pa rnyed par 'gyur ro/ /klu'i
199b₂ bdag po/ de la dge ba'i chos rnams gang zhe na/ dge ba'i chos rnams zhes bya ba ni lha dang mi'i phun sum tshogs pa'i rtsa ba dang rten to/ /nyan thos dang rang sangs rgyas kyi byang chub kyi rtsa ba dang rten to/ /bla na med pa yang dag par rdzogs pa'i byang chub kyi rtsa ba dang rten to/ /de la
199b₃ rtsa ba dang rten gang zhe na/ gang 'di dge ba bcu'i las kyi lam rnams so/ /dge ba bcu'i las kyi lam de dag kyang gang zhe na/ 'di lta ste/ srog gcod pa spong ba dang / ma byin par len pa dang / 'dod pa la log par g.yem pa dang / smra ba dang / phra ma dang /
199b₄ tshig rtsub po dang / tshig kyal pa dang / brnab sems dang / gnod sems dang / log par lta ba spong ba'o/ /'di dag ni dge ba bcu'i las kyi lam zhes bya ste/ 'jig rten pa dang / 'jig rten las 'das pa'i phun sum tshogs pa rnams kyi rtsa ba dang rten to/ /klu'i
199b₅ bdag po de la srog gcod pa spangs pa'i skyes bu gang zag ni rab tu zhi bar byed pa'i chos bcu 'thob bo/ /bcu gang zhe na/ 'di lta ste/ 'dis sems can thams cad la mi 'jigs pa byin pa yin no/ /de'i sems sems can thams cad la byams par dmigs pa la
199b₆ gnas pa yin no/ /de'i zhe sdang gi bag chags yang dag par chad pa yin no/ /des nad nyung bar 'gyur bar sgrub pa yongs su bzung ba yin no/ /des tshe ring bar 'gyur ba'i sa bon btab pa yin no/ /de la mi ma yin pa rnams kyang srung ba dang / bskyab pa dang / sbed par
199b₇ byed do/ /bde bar nyal zhing bde bar sad pa dang / sdig pa'i rmi lam mi mthong ba yin no/ /de nyal ba na yang lha rnams srung bar byed do/ /de la shar gnyer ba med pa yin te/ shar gnyer ba'i bag la nyal med pa yin no/ /ngan 'gro thams cad kyis mi 'jigs pa dang /

_{iiif viewer powered by OpenSeadragon}

199a - 200a

Texts on this page