| e-texts navigator |
| བོད་ཡིག |
197b1 brgyad du rab tu g.yos par gyur to/ /'di lta ste/ shar phyogs mtho na nub phyogs dma'/ nub phyogs mtho na shar phyogs dma'/ lho phyogs mtho na byang phyogs dma'/ byang phyogs mtho na lho phyogs dma'/ dbus mtho na mtha' dma'/ mtha' mtho na dbus dma'
197b2 bar gyur te/ g.yos/ rab tu g.yos/ kun tu rab tu g.yos/ 'gul/ rab tu 'gul/ kun tu rab tu 'gul/ ldeg /rab tu ldeg /kun tu rab tu ldeg /'khrugs/ rab tu 'khrugs/ kun tu rab tu 'khrugs/ 'ur 'ur/ rab tu 'ur 'ur/ kun tu rab tu 'ur
197b3 'ur/ chem chem/ rab tu chem chem/ kun tu rab tu chem chem mo/ /snang ba chen pos kyang 'jig rten khyab par gyur to/ /me tog gi char chen po yang bab bo/ /sil snyan dag kyang ma dkrol bar rang 'khrol zhing sil snyan dang / glu'i dbyangs de dag las kyang sgra 'di
197b4 lta bu byung ste/ bcom ldan 'das kyis chos kyi rnam grangs 'di phas kyi rgol ba thams cad kyis mi tshugs par byin gyis brlabs so/ /chos kyi rnam grangs 'di rnam par dkrug tu med pa'i tshul du chos kyi dbyings kyi phyag rgyas legs par btab bo zhes byung ngo / /klu'i
197b5 rgyal po rgya mtshos kyang stong gsum gyi stong chen po'i 'jig rten gyi khams thams cad khyab par mu tig gi char chen po phab bo/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis chos kyi rnam grangs 'di zung la/ gzhan
197b6 dag la yang rgyas par yang dag par ston cig / gsol pa/ bcom ldan 'das chos kyi rnam grangs 'di bdag gis gzung lags na/ bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ de'i phyir
197b7 chos kyi rnam grangs 'di klu'i rgyal po rgya mtshos zhus pa zhes bya bar zung shig / klu'i bdag po'i gzungs kyi le'u zhes bya bar yang zung shig /rin po che kun las btus pa'i chos kyi sgo yongs su dag pa'i le'u zhes bya bar yang zung shig /bcom ldan 'das kyis de skad
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo