| e-texts navigator |
| བོད་ཡིག |
197a1 dang / da ltar byung ba'i sangs rgyas rnams kyi dam pa'i chos yongs su gzung ba'i phyir gsungs so/ /rig sngags dang / gsang sngags kyi gzhi 'di dag gis ni rtsod pa'i bdag po bdud thams cad tshar gcod par 'gyur ro/ /de nas bcom ldan 'das la
197a2 tshangs pa kun du snang ba zhes bya bas 'di skad ces gsol to/ /bcom ldan 'das bdag gis kyang chos kyi rnam grangs 'di gzung bar bgyi/ bcang bar bgyi/ rgyas par bgyi'o/ /de ci'i slad du zhe na/ bcom ldan 'das byas pa gzo ba dang / byas pa tshor ba ni dkar po'i
197a3 chos legs par gsungs pa'i chos 'dul ba las bsngags pa'i slad du'o/ /bcom ldan 'das bdag ni de bzhin gshegs pa la byas pa gzo ba dang / byas pa tshor ba rjes su dran zhing rjes su bsrung ste/ de bzhin gshegs pa'i chos kyi tshul 'di gzung bar bgyi/ yongs su
197a4 bsrung bar bgyi'o/ /de nas bcom ldan 'das la lha'i bu bsod nams 'phags kyis gsol pa/ bcom ldan 'das rigs kyi bu'am/ rigs kyi bu mos de bzhin gshegs pa'i chos bzung na/ bsod nams ji tsam zhig skyed par 'gyur lags/ de nas bcom ldan 'das
197a5 kyis lha'i bu de la tshigs su bcad de bka' stsal pa/ sangs rgyas spyan gyis phyogs bcu yi/ /zhing rnams ji snyed ngas mthong ba/ /de kun rin chen gang byas nas/ /mi gang sbyin pa sbyin byed la/ /gang zhig 'jig rten mgon po'i chos/ /snying nas yongs su 'dzin byed na/ /
197a6 de bas mi de'i bsod nams ni/ /shin tu mang du 'phel bar 'gyur/ /bskal pa'i bar du bzhugs nas ni/ /dpe rnams bstan pas bshad na yang / /dam pa'i chos ni 'dzin pa yi/ /bsod nams zad par yong mi 'gyur/ /chos kyi rnam grangs 'di bstan pa na lha khrag
197a7 khrig bdun cu rtsa drug gis bla na med pa yang dag par rdzogs pa'i byang chub tu sems bskyed do/ /byang chub sems dpa' drug khri ni mi skye ba'i chos rnams la bzod pa skyes so/ /stong gsum gyi stong chen po'i 'jig rten gyi khams 'di yang rnam pa drug dang mtshan ma chen po
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo