rKTs

e-texts navigator

Volume

Page

196a₁ de bzhin no/ /bu mo rin chen gyis gsol pa/ bcom ldan 'das bdag gis byang chub dang / byang chub sems dpa'i spyod pa yang ma mthong la/ sems can thams cad kyi go cha yang bdag gis bgos/ de dag kyang gtan du bdag gis ma mthong na/ ci bdag
196a₂ dam pa'i chos 'dzin pa lags sam/ bka' stsal pa/ bu mo de ni de bzhin no/ /bu mo dri ma med pa'i 'od kyis gsol pa/ bcom ldan 'das bdag chos thams cad la yang chos kyi 'du shes mi skyed la/ sems can thams cad la yang sems can gyi 'du shes mi skyed/ chos
196a₃ thams cad kyis kyang sangs rgyas kyi chos rnams la rnam par mi rtog ste/ sangs rgyas kyi chos rnams kyi khongs su yang chos thams cad 'dus par yang dag par mthong la/ de dag gi khongs su yang ma zhen par yang dag par mthong na/ bcom ldan 'das bdag de ltar brtson
196a₄ na/ ci dam pa'i chos 'dzin pa lags sam/ bcom ldan 'das kyis bka' stsal pa/ bu mo khyod de ltar sgrub na dam pa'i chos 'dzin pa yang dag pa yin no/ /de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das 'di ltar
196a₅ bsam gyis mi khyab pa'i chos rnam par nges pa'i spobs pa dang ldan pa'i bu mo rnams kyis 'dir rnam pa dang sgra dang brda sna tshogs kyis chos nyid de kho na glengs te/ chos gang dang yang 'gal bar mi bgyid la/ chos thams cad kyang byang chub dang mnyam pa nyid du ston pa ni ngo mtshar
196a₆ lags so/ /bcom ldan 'das kyis bka' stsal pa/ kau shi ka gzhan yang chos de ni de bzhin te/ bu mo 'di dag ni bsam gyis mi khyab pa'i chos rnam par nges pa ston pa la mkhas pa/ sangs rgyas mang po la bsnyen bkur byas pa/ bzod pa thob pa sha stag go/ /kau shi ka gzhan yang
196a₇ chos kyi rnam grangs 'di gzung ba dang / gzhan dag la yang rgyas par bstan pa dang / de bzhin gshegs pa mya ngan las 'das pa'i 'og tu yang ma 'ongs pa'i sems can chen po dam pa'i chos kyi grong khyer bsrung ba de dag la bstabs pa'i phyir khyod la gtad do/ /de ltar byas na khyod

_{iiif viewer powered by OpenSeadragon}

195b - 196b

Texts on this page