| e-texts navigator |
| བོད་ཡིག |
193b1 las ni rnam par dag pa'i mig/ zhi ba dang ni mi g.yo mi 'gul 'thob/ /chos rnams thams cad sgra med skad med pa/ /gzung du med cing dngos med rnam par dag /de bzhin rgyal ba dam pa rnams kyi gdung / /zhi ba'i ngo bo nyid de smon pa spangs/ /skyon med rims nad med cing mya
193b2 ngan bral/ /spros kun nye bar zhi zhing bsam mi khyab/ /rgyal ba mchog rnams kyi ni chos 'di dag /gzung bral rang bzhin sgra dang skad ma mchis/ /'gro la sman slad skyes bu dam pa yis/ /de yang yi ge rnams kyis gleng zhing bstan/ /gang gis 'jig rten bla mar rang 'byung
193b3 mthong / /mthong nas kyang ni yid la dad bgyid dang / /khyad par 'gro ba'i chos kyang nyan pa yi/ /lha dang mi rnams rnyed pa legs par rnyed/ /phyogs dang phyogs mtshams rnams su chos 'di ni/ /'jig rten rnam par 'dren pas rab tu bstan/ /gang dag ma 'ongs sangs
193b4 rgyas 'gyur ba rnams/ /thams cad kyang ni mnyam pa'i chos su 'gyur/ /sgra rnams thams cad brag ca tsam du bas/ /de ni brjod na rna bar grag par 'gyur/ /de ni tshul bzhin lam gyi rgyud 'gyur te/ /chos so 'tshal gyi slad du btags pa tsam/ /chos kun sgyu ma 'dra zhing
193b5 gsog lags te/ /de dag sems can slad du rnam par phye/ /de dag rang bzhin ngo bo gang yin pa/ /de ni nams kyang rnam par dbyer mi rung / /'jig rten na ni sangs rgyas chos rgyal mchog /chos kyi dbang phyug kun rig kun mkhyen pa/ /ston pa de la slob na de bzhin
193b6 du/ /'phags pa kun gyis de nyid don kyang rtogs/ /byung ba gang lags pa dang da ltar dang / /ma 'ongs pa na 'byung ba gang lags pa/ /thams cad la yang thub pa skyes mchog gi/ /ye shes 'jug ste thogs pa yong mi mnga'/ /skyes bu dam pa de yis de ring bdag /
193b7 dogs ma mchis par byang chub mchog lung bstan/ /bdag ni 'gro la phan phyir sangs rgyas 'gyur/ /bdag la som nyi ma mchis dogs ma mchis/ /chos thams cad rang bzhin gyis yongs su dag pa'i le'u ste dgu pa'o// //de nas bcom ldan 'das kyis
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo