| e-texts navigator |
| བོད་ཡིག |
193a1 'gyur/ /skye dang rga dang gnod par bgyi ba gang / /'chi dang gnas pa gang lags su yang med/ /gang 'dir skye dang rga dang na dang 'chi/ /shed las skyes dang shed bu de ma mchis/ /'di na bdag dang bdag gi ma mchis te/ /gang zag shes skyes
193a2 shed bu yong ma mchis/ /'di bdag po ma mchis dbang ma mchis/ /'tsho ba'i 'jig rten sgyu ma lta bur 'jug /byed pa ma mchis tshor ba po ma mchis/ /'on kyang las mchis 'bras bu don ma mchis/ /'gro ba'i las kyi rkyen gyis rang bzhin 'byung / /
193a3 phan tshun du ni rgyu la rten par 'dus/ /dge dang mi dge'i las gang bgyid pa dang / /gang zhig bsgoms dang gang zhig mang du bgyis/ /yul nam mchis phyogs nam mchis te/ /ngo bo nyid stong 'on kyang rnam par smin/ /nang dang slad rol bar na mi gnas te/ /chos
193a4 rnams gang du'ang 'phungs pa yong ma mchis/ /de dag gang la'ang rten pa ma mchis la/ /rnam par smin pa slu bar yong mi bgyid/ /skyes pa mi mnga' 'gag pa mnga' ma lags/ /mkhas pa rnams ni go bar bgyi slad du/ /nyan pa la ni smra bas tshig kyang bstan/ /
193a5 lta ba rnam par sbyang ba'i slad du bstan/ /gang gi 'du shes 'du shes can ma mchis/ /mya ngan 'das mchis su yang zhi ma mchis/ /skye ba ma mchis mtha' gang mtha' de lags/ /bdag gi bdag med mtha' ni nam mkha'i mtha'/ /kun gyi mtha' ni mtha' mnyam thob pa
193a6 des/ /sangs rgyas bsam gyis mi khyab dam pa 'thob/ /sngon gyi mtha' dang phyi ma'i mtha' dang ni/ /skye ba'i mtha' dang skye ba ma mchis mtha'/ /mtha' kun de ltar mnyam par mthong ba dang / /chags med mtha' yi sgo shes ldan pa dang / /dus gsum mtha' rnams la ni ma
193a7 chags des/ /rgyal ba rnams kyi rigs mchog thob par 'gyur/ /'gro ba bcings las rnam par grol mdzad nas/ /zhi mchog mya ngan 'das pa brnyes par 'gyur/ /'gro kun rmi lam lta bur des gzigs nas/ /'dir ni ming dang gzugs la sems ma chags/ /chos kun
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo