| e-texts navigator |
| བོད་ཡིག |
190a1 bstan du med do/ /rgyal po chen po chos thams cad ni mtshan ma med pa dang / smon pa med pa dang / mngon par 'du byed pa med pa'i mtshan nyid yin la mtshan ma med pa dang / smon pa med pa dang / mngon par 'du byed pa med pa'i mtshan
190a2 nyid ni lung bstan du med pa'o/ /rgyal po chen po gzhan yang sangs rgyas rnams kyi snying rje chen po 'di ni bsam gyis mi khyab ste/ ming med pa dang / mtshan ma med pa'i chos thams cad ming dang mtshan mas ston par mdzad la/ sangs rgyas bcom ldan
190a3 'das rnams ni ming dang / mtshan ma'i rjes su 'brang ba'i rnam par shes pa can yang ma yin no/ /rgyal po chen po lung bstan pa 'di ni 'jig rten brda sprad par zad de/ 'di la gang lung bstan par bya ba'i chos gang yang nang ngam phyi rol na mi dmigs so/ /
190a4 rgyal pos smras pa/ klu'i bdag po bzod pa thob pa'i byang chub sems dpa' sems dpa' chen po lung bstan pa med dam/ smras pa/ rgyal po chen po bzod pa de yang skad cig pa/ zad pa'i mtshan nyid/ mi zad pa'i mtha' can/ yang dag pa'i mthar
190a5 nges pa/ mnyam pa'i mtha' can/ gnyis su med pa'i mthar nges pa ste/ gnyis su med pa'i mtha' ni yang dag pa'i mtha'o/ /yang dag pa'i mtha' ni gtan du mi 'byung ba'i mtha'o/ /mtha' can gang yin pa de ni 'dod chags dang / zhe sdang dang /
190a6 gti mug rnams so/ /de'i mtha' can ni rnam par grol ba'i mtha'o/ /gang mtha' de'i sgor zhugs pa ni gang du yang mngon par zhen pa med do/ /gang mngon par zhen pa med pa de ni tha snyad kyi brda la chags pa med do/ /ma chags na grol bar 'gyur
190a7 ro/ /grol na phyin cad mi rgyu rab tu mi rgyu'o/ /mi rgyu rab tu mi rgyu na gang du yang nyams par mi 'gyur ro/ /blo ma nyams na thams cad las nges par 'byung bar mthong ste/ ji ltar rnam par mi mthong ba de ni de ltar yang mthong ngo / /gang gi tshe rnam par mi mthong ba
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo