rKTs

e-texts navigator

Volume

Page

188b₁ 'gyur te/ shing ta la de dag gi lo ma dang me tog dang 'bras bu thams cad las chos kyi sgo khrag khrig phrag 'bum mang po dag 'byung ngo / /'jig rten gyi khams de na sgra ji snyed 'byung ba 'di lta ste/ lha'i sgra'am/ mi'i sgra'am/ mi ma yin pa'i sgra'am/
188b₂ sprul pa'i sgra'am/ bya'i sgra'am/ rlung gi sgra yang rung ste/ sgra de dag thams cad chos dang ldan par 'byung bar 'gyur ro/ /de bzhin du zhi ba dang ldan pa dang / rab tu zhi ba dang ldan pa dang / nye bar zhi ba dang ldan pa dang / dga' ba dang dben pa dang ldan pa
188b₃ dang / sangs rgyas kyi chos dang ldan pa dang / pha rol tu phyin pa dang ldan pa dang / bsdu ba'i dngos po dang ldan pa dang / thabs la mkhas pa dang ldan pa dang / skyo ba dang / 'dod chags dang bral ba'i lta ba dang ldan pa dang / stong pa nyid dang / mtshan ma
188b₄ med pa dang / smon pa med pa dang / mngon par 'du byed pa med pa dang ldan pa'i sgra dag 'byung bar 'gyur te/ de'i phyir 'jig rten gyi khams de'i ming chos kyi sgra grag pa zhes bya bar 'gyur ro/ /'jig rten gyi khams der lha dang mi gang dag skye ba de dag thams cad kyang
188b₅ chos kyi dga' ba'i zas kho na dang ldan par 'gyur zhing mngon par shes pa'i shes pa la mkhas pa dang / bla na med pa yang dag par rdzogs pa'i byang chub la the tshom med pa sha stag go/ /bcom ldan 'das de bzhin gshegs pa shin tu dri ma med cing yongs su dag la/
188b₆ yon tan gyi tshogs mtha' yas pa las byung ba'i rgyal po de yang gang gi tshe chos ston par bzhed pa de'i tshe/ de nyid kyi sku las 'od 'gyed par mdzad de/ 'od des sangs rgyas kyi zhing thams cad snang bar 'gyur ro/ /de bzhin gshegs pa'i 'od de las kyang sangs
188b₇ rgyas bye ba phrag stong gsung ba'i chos ston pa 'byung bar 'gyur ro/ /de na lha dang mi rnams kyis de bzhin gshegs pa'i 'od de yang mthong la chos bstan pa de yang thos nas dga' ba dang / mchog tu dga' ba chen po rgya cher skyes te/ bcom ldan 'das de

_{iiif viewer powered by OpenSeadragon}

188a - 189a

Texts on this page