| e-texts navigator |
| བོད་ཡིག |
188a1 na rgyal po chen po khyod kyis de ltar mi blta'o/ /de ci'i phyir zhe na/ klu'i rgyal po rgya mtsho 'di nyid de'i tshe de'i dus na 'khor los sgyur ba'i rgyal po lhas btsa' zhes bya bar gyur to/ /de yang de'i dang po byang chub tu sems bskyed pa yin no/ /
188a2 rgyal po chen po khyod 'di skad du klu'i rgyal po rgya mtsho 'di yun ji srid cig na/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur zhes zer ba de nyon cig /rgyal po chen po klu'i rgyal po rgya mtsho 'di ni bskal pa grangs
188a3 med pa nyis brgyan bskal pa dpal gyi me tog ces bya ba la/ 'jig rten gyi khams chos kyi sgra grag pa zhes bya bar/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde
188a4 bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das shin tu dri ma med cing yongs su dag la yon tan gyi tshogs mtha' yas pa las byung ba'i rgyal
188a5 po zhes bya bar 'gyur ro/ /rgyal po chen po 'jig rten gyi khams chos kyi sgra grag pa de ni rin po che sa yas spras par 'gyur te/ 'dzam bu chu bo'i gser las grub pa rin po che sna tshogs du mas bris shing mig ris su rnam par phye la/ lag mthil
188a6 bzhin du mnyam ste/ ka tsa lin di ka'i gos bzhin du 'jam zhing reg na bde la yangs shing tha gru che ste/ gling bye ba phrag 'bum dang ldan la/ 'byor pa dang / rgyas pa dang / bde ba dang / yid du 'ong ba ste/ lha dang mi mang po dag gis gang la/
188a7 gzhan 'phrul dbang byed pa'i lha rnams kyi nye bar spyad pa dang longs spyod ji lta ba bzhin du mi de dag gi yang de dang 'dra bar 'gyur ro/ /'jig rten gyi khams chos kyi sgra grag pa zhes bya ba de na rin po che thams cad las grub pa'i shing ta la'i phreng ba dag 'byung bar
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo