| e-texts navigator |
| བོད་ཡིག |
187a1 na ni bla na med pa yang dag par rdzogs pa'i byang chub mngon par rdzogs par 'tshang rgya bar 'gyur lags/ de mngon par rdzogs par sangs rgyas pa'i mtshan ni ci zhes bgyi bar 'gyur/ de'i sangs rgyas kyi zhing ni ci 'dra bar 'gyur lags/ bcom
187a2 ldan 'das kyis bka' stsal pa/ rgyal po chen po sngon byung ba 'das pa'i dus bskal pa grangs med pa bas kyang ches grangs med pa/ bsam gyis mi khyab pa/ yun ring ba/ tshad med pa'i snga rol de'i tshe de'i dus na bskal pa yid du 'ong zhing zhi ba zhes bya ba la
187a3 shar gyi phyogs kyi 'jig rten gyi khams yongs su dag pa zhes bya bar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde ba gshegs pa/ 'jig rten mkhyen pa/ skyes bu 'dul ba'i
187a4 kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'od rnam par dag pa'i 'od zer rgyal po zhes bya ba 'jig rten du byung ste/ rgyal po chen po 'jig rten gyi khams lta ba yongs su dag pa de'i bkod pa byung ba de dag ni nga'i
187a5 tshe'i tshad bskal par gnas su zin kyang rgyas par bstan par nus par sla ba ma yin no/ /rgyal po chen po de'i tshe de'i dus na 'khor los sgyur ba'i rgyal po lhas btsa' zhes bya ba zhig byung ste/ des bcom ldan 'das de bzhin gshegs pa 'od rnam par dag pa'i 'od zer
187a6 rgyal po de la lo bzhi khri nyis stong gi bar du mchod pa byas te/ dge ba'i rtsa bas nye bar brtan pa de gnyid log pa'i rmi lam du tshigs su bcad pa 'di gnyis thos so/ /skyes bu khyu mchog la ni mchod chen mnga'/ /dpag med rgya chen bsam yas byas zin gyis/ /
187a7 'gro ba dag la snying brtse bskyed nas kyang / /rab mchog byang chub sems ni bskyed par gyis/ /byang chub sems ni yang dag sgrub byed gang / /de ni mchod mchog dam pa khyad par 'phags/ /de ni de bzhin gshegs rnams bkur sti yin/ /de ni phyi ma'i
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo