| e-texts navigator |
| བོད་ཡིག |
184b1 'dra ba'i bkod pa chen po'i khang nang du bzhugs par gsol la/ bya rgod kyi phung po'i ri la bskyal bar 'tshal lo/ /bcom ldan 'das kyis bka' stsal pa/ rigs kyi bu da de'i dus la bab par shes na skyol cig /de nas klu'i rgyal po
184b2 rgya mtsho'i bu mthong dgas sangs rgyas kyi mthu dang / rang gi rdzu 'phrul gyi stobs kyis rnam par rgyal byed dang 'dra ba'i khang byin gyis brlabs nas/ der bcom ldan 'das zhabs 'bring dang bcas par bzhugs par gsol nas steng gi bar snang las
184b3 gshegs te/ klu'i bu mo brgyad khri bzhi stong yang sil snyan byed pheg rdob/ glu dbyangs len cing me tog gi char chen po 'bebs la/ lha'i spos dang phye ma sna tshogs kyi char 'bebs bzhin du mthar gyis bcom ldan 'das bya rgod phung po'i ri la bskyal to/ /de nas
184b4 klu'i rgyal po rgya mtsho bu dang bcas/ chung ma dang g.yog 'khor dang bcas pas bcom ldan 'das kyi zhabs gnyis la gtugs nas bcom ldan 'das la bzod pa gsol te/ bcom ldan 'das bdag cag gis ma 'byor bar gyur pa gang lags pa rnams
184b5 bdag cag la bzod pa mdzad du gsol/ de ci'i slad du zhe na/ bcom ldan 'das rin po che ji lta ba bzhin du de dang 'tsham pa'i mchod pa'i 'os lags la/ bcom ldan 'das ni sems can thams cad kyi bla na ma mchis pa'i bsod nams kyi zhing rin po che lags
184b6 te/ mchod pa'i 'os lags na/ de ni stong gsum gyi stong chen po'i 'jig rten gyi khams thams cad du gtogs pa'i sems can thams cad kyis kyang 'byor pa'am/ yongs su rdzogs par bgyid pa'i rngo mi thogs te/ de bzhin gshegs pa ni de tsam tshad
184b7 ma mchis pa'i mchod pa'i 'os lags pa'i slad du'o/ /bcom ldan 'das gzhan yang byang chub sems dpa' ji ltar de bzhin gshegs pa la mchod pa bgyid pa lags/ bcom ldan 'das kyis bka' stsal pa/ klu'i bdag po byang chub sems dpa' nan tan
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo