| e-texts navigator |
| བོད་ཡིག |
183b1 rgyas kyi zhing thams cad brgyan pa'i slad du bdag cag gis bskyed lags so/ /bcom ldan 'das de bzhin gshegs pa bzhugs kyang rung / yongs su mya ngan las 'das kyang rung ste/ bdag ni rgya mtsho chen po'i nang na gnas bzhin du dam pa'i chos yongs
183b2 su bsrung ba'i slad du rtag tu brtson pa kho nar 'tshal lo/ /bcom ldan 'das grong khyer du gshegs pa na yang bkod pa thams cad nye bar bstan par 'tshal lo/ /chos kyi 'bel ba'i gtam mdzad pa na yang 'khor gyi khyams kyi bkod pa sgrub par 'tshal lo/ /
183b3 bcom ldan 'das kyis bka' stsal pa/ 'od ldan ma 'di ltar khyod kyis ni sangs rgyas khri la mchod pa byas so/ /'khor gyi khyams kyi bkod pa yang bstan to/ /dam pa'i chos kyang yongs su bsrungs so/ /'od ldan ma khyod ni bskal pa bzang po'i de bzhin
183b4 gshegs pa thams cad la yang mchod pa byed par 'gyur ro/ /dam pa'i chos kyang yongs su bsrung bar 'gyur ro/ /khyod ni bskal pa bzang po 'di 'das pa'i 'og tu de bzhin gshegs pa mi 'khrugs pa'i sangs rgyas kyi zhing 'jig rten gyi khams mngon par
183b5 dga' bar skye bar 'gyur te/ bud med kyi dngos po brjes nas skyes pa'i dngos po thob par 'gyur ro/ /khyod ni de bzhin gshegs pa mi 'khrugs pas bla na med pa yang dag par rdzogs pa'i byang chub tu lung bstan par 'gyur ro/ /de nas rgya mtsho chen po'i lha mo 'od ldan
183b6 mas bcom ldan 'das las bdag nyid kyi lung bstan pa thos nas tshim zhing mgu la yi rangs te/ rab tu dga' zhing dga' ba dang yid bde ba skyes te/ rgya mtsho chen po'i rin po che dang / rin thang mnyam pa'i rin po che'i phreng ba bcom ldan 'das kyi sku la gsol nas
183b7 sor mo bcu'i thal mo sbyar te/ de'i tshe bcom ldan 'das la tshigs su bcad pa 'di dag smras so/ /bdag ni thub pa ye shes yon tan kun gyi 'byung gnas de yis lung bstan te/ /bdag ni 'dren par 'gyur ba dag la yid gnyis the tsom ci yang yong ma mchis/ /
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo