| e-texts navigator |
| བོད་ཡིག |
181b1 de nas bcom ldan 'das kyis bya'i rgyal po nam mkha' lding bzhi po de dag la bka' stsal pa/ grogs po dag khyed ni de bzhin gshegs pa gser thub kyi gsung rab la/ dge slong bzhir gyur te/ dga' byed dang / dga' byed chen po dang / bla ma dang / bla ma'i
181b2 bshes gnyen zhes bya bar gyur to/ /dge slong bzhi po de dag rnyed pa dang / bkur sti dang / tshigs su bcad pa'i rgyags pas myos shing mdza' bshes kyi khyim dang / slongs mo ster ba'i khyim gyi rgyags pas myos la bdag nyid ni tshul khrims dang / cho ga dang /
181b3 lta ba nyams pas/ tshul khrims dang ldan pa'i dge slong rnams la ni 'khrug pa dang / gnod pa byas te/ lus dang ngag dang / yid ma bsdams shing sdig pa mang po byas par gyur to/ /de bzhin gshegs pa gser thub de la yang de dag gis mchod pa
181b4 mang po byas so/ /des na khyed sems can dmyal bar ma song ste/ dud 'gro'i skye gnas 'dir skyes nas 'di ltar sdom pas ma bsdams pa'i phyir/ khyod kyis srog gcod pa mang du byas shing sdig pa'i las mang du byas la/ mang po dag kyang 'jigs par byas
181b5 so/ /de nas bcom ldan 'das kyis de'i tshe bya'i rgyal po nam mkha' lding bzhi po de dag gis ci nas tshe rabs dran par 'gyur ba dang / de bzhin gshegs pa gser thub de dang der dge sbyong du gyur nas las mngon par 'du byed pa/ mngon par 'dus byas pa de
181b6 dag thams cad rjes su dran par 'gyur ba de lta bu'i rdzu 'phrul mngon par 'du byed pa mdzad do/ /de dag gis kyang mngon sum du bcom ldan 'das la 'di skad ces gsol to/ /bcom ldan 'das sems ni dmu rgod gdul dka' zhing bsrung dka' ba lags te
181b7 der bdag cag gis sems brkam chags can du gyur pas/ bcom ldan 'das de bzhin gshegs pa gser thub de ma mnyes par bgyis lags so/ /bcom ldan 'das bdag cag gis/ da slan chad rang gi srog kyang yongs su gtang bar 'tshal gyis sdig
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo