| e-texts navigator |
| བོད་ཡིག |
179a1 mchod pa'i mchog yin no/ /rdzas las byung ba'i bsod nams bya ba'i dngos po rnams kyis mchod pas ni 'di lta ste/ byams pa'i sems kyi ting nge 'dzin de mchog yin te/ ngas de las dgongs nas de skad bstan to/ /grogs po dag gzhan
179a2 yang bzhi po 'di dag ni de bzhin gshegs pa la mchod pa khyad par du 'phags pa yin te/ bzhi gang zhe na/ bslab pa las 'gal bar mi byed pa dang / byams pa'i lus dang ngag dang yid kyi las dang / dkon mchog gsum gyi gdung mi 'chad par bya ba'i
179a3 phyir byang chub kyi sems dang / ji ltar thos pa'i chos la so sor rtog pa'i chos kyi nan tan te/ bzhi po de dag ni de bzhin gshegs pa la mchod pa khyad par du 'phags pa'o/ /bstan pa 'di thos nas lha'i 'khor dang lha ma yin gyi 'khor de dag gi nang nas bzhi
179a4 khris byang chub tu sems bskyed do/ /de nas bcom ldan 'das la klu'i rgyal po dbugs can dang / klu'i rgyal po dbugs can chen po dang / 'jog po dang / kha dog mtha' yas kyis 'di skad ces gsol to/ /bcom ldan 'das rgya mtsho chen po 'di'i nang na klu'i
179a5 rigs tshad ma mchis pa las kyi rnam par smin pa sna tshogs las skyes pa dag mchis te/ de la kha cig ni dbang cher grags pa lags/ kha cig ni lus nyam chung zhing chung bar grags la lus chung ba dag kyang mchis te/ bcom ldan 'das bya'i rgyal po nam mkha'
179a6 lding bzhi der babs nas klu gzhon nu dang / klu'i bu mo lus nyam chung ba rnams bton te 'tshal bar bgyid la/ rgya mtsho'i nang gi klu'i rigs thams cad kyang skrag par bgyid lags na/ ci nas rgya mtsho chen po'i klu de dag thams cad kyang 'jigs pa ma mchis
179a7 pa dang / skrag pa ma mchis par gnas par 'gyur ba de lta bur bcom ldan 'das kyis bsrung ba dang / bskyab pa dang / sba ba mdzad du gsol/ de skad ces gsol pa dang / bcom ldan 'das kyis ras phrag zar phrag pa las phab nas klu'i rgyal po rgya mtsho
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo