rKTs

e-texts navigator

Volume

Page

178b₁ 'di dag ni lha ma yin gyis 'jigs pas rtag tu skrag bzhin du gnas la/ lha dang lha ma yin g.yul 'gyed pa na yang phan tshun rtsod cing 'gyed par bgyid de/ de bas na bcom ldan 'das/ de bzhin gshegs pas ci nas sems can thams cad sems 'thun par
178b₂ 'gyur ba de lta bur chos bstan na legs so legs so/ /'khor 'dir lha dang lha ma yin 'dus pa 'di dag thams cad kyang / ci nas gcig la gcig 'thun par bgyid pa dang / byams par sems pa dang / phan par sems pa dang / gnod par sems par mi
178b₃ 'gyur ba de lta bur sems dad par bcom ldan 'das kyis mdzad du gsol/ de nas bcom ldan 'das kyis lha ma yin gyi dbang po sgra gcan dang / lha ma yin gyi dbang po bde mchog dang / thags zangs ris dang / lag dang / sim byed rnams la bka'
178b₄ stsal pa/ grogs po dag byams pa ni sangs rgyas thams cad kyis bsngags so/ /byams pa'i rjes su 'jug pa'i skyes bu gang zag gis ni tshe 'di dang / tshe phyi ma'i don thob par 'gyur ro/ /grogs po dag tshe 'di ni yun thung ngo / /tshe phyi mar ni 'gro dgos so/ /
178b₅ 'byor pa thams cad kyi mtha' ni rgud pa'o/ /rgyal po'i longs spyod dang dbang phyug rnams ni mi rtag gis khyed lhan cig 'thun pa dang gnod sems med pa dang / 'jig rten pha rol la lta ba dang / las kyi rnam par smin pa la rton pas gnas par gyis shig /bcom
178b₆ ldan 'das kyis de ltar ci nas sum cu rtsa gsum pa'i lha rnams dang / lha ma yin de dag 'thun par gnas par 'gyur ba de lta bu'i skyo ba'i gtam mdzad do/ /de nas tshig 'di skad ces gsol to/ /bcom ldan 'das bdag cag deng slan chad mnyen pa'i tshul du bgyid
178b₇ cing gcig la gcig byams pa'i sems dang gnod sems ma mchis pas gnas par 'tshal lo/ /bcom ldan 'das kyis bka' stsal pa/ grogs po dag legs so legs so/ /byams pa'i rnam pa'i sems gang yin pa de ni de bzhin gshegs pa rnams kyi

_{iiif viewer powered by OpenSeadragon}

178a - 179a

Texts on this page