| e-texts navigator |
| བོད་ཡིག |
177b1 skor lags so/ /smras pa/ khyod kyi chos kyi 'khor lo skor ba ji lta bu zhig /smras pa/ 'khor lo de ni rten thams cad dang bral ba'i slad du mi g.yo ba lags so/ /'khor lo de ni chos kyi dbyings la gnas pa'i tshul gyis gnas pa ma mchis pa lags
177b2 so/ /'khor lo de ni bral ba ma mchis pa'i tshul gyis de bzhin nyid lags so/ /'khor lo de ni yang dag pa'i mtha' la gnas pas mi gnas pa lags so/ /'khor lo de ni gnas thams cad las byung ba ma lags pas gnas ma mchis pa lags so/ /
177b3 'khor lo de ni chos thams cad kyi mnyam pa nyid kyi rjes su song bas gnyis su ma mchis pa lags so/ /'khor lo de ni gcig dang tha dad pa mi dmigs pas tha dad pa ma lags so/ /'khor lo de ni sgra dang skad dang tshig gi lam thams cad ro gcig pas brjod du
177b4 ma mchis pa lags so/ /'khor lo de ni shin tu kun nas nyon mongs pa can ma lags pas rnam par dag pa lags so/ /'khor lo de ni chad pa dang rtag pa mi dmigs pas yod pa yongs su chad pa ma lags so/ /'khor lo de ni rgyu dang rkyen shin tu brtags pas
177b5 'gal ba ma mchis pa lags so/ /'khor lo de ni bden pa lags so/ /'khor lo de ni mi skye mi 'gag pa lags so/ /'khor lo de ni stong pa nyid dang / mtshan ma med pa dang / smon pa med pa lags so/ /btsun pa 'od srung chen po 'khor lo de 'dra ba gang
177b6 lags pa de'i bskor ba ci 'dra ba zhig lags/ smras pa/ bu mo khyod kyi bstan pa 'di 'dra ba lags na/ khyod ni ring po mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /smras pa/ gang gi tshe gnas
177b7 brtan byang chub mngon par rdzogs par 'tshang rgya bar 'gyur ba de'i tshe/ bdag kyang mngon par rdzogs par 'tshang rgya bar 'gyur lags so/ /smras pa/ kho bo byang chub mngon par rdzogs par 'tshang rgya bar 'gyur ba de ni gnas med skabs med do/ /smras pa/ de de lta
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo