| e-texts navigator |
| བོད་ཡིག |
176a1 smras pa/ ci de bzhin nyid shes par bgyi ba zhig lags sam smras pa de ni ma yin no/ /smras pa/ 'o na ci'i slad du de bzhin nyid ji lta ba de bzhin du nyon mongs pa shes so zhes gsungs/ gal te mkhyen na ni de bzhin nyid ma lags so/ /ji ste
176a2 mi mkhyen na ni de lta na btsun pa byis pa so so'i skye bo thams cad dang mi shes pa can du mtshungs so/ /smras pa/ bu mo khyod kyi tshig thams cad ni gzhan gyi tshig gcod par byed pa'o/ /smras pa/ bdag ni tshig gcod par yang mi bgyid/ bsgrub par
176a3 yang mi bgyid do/ /de ci'i slad du zhe na/ chos kyi dbyings ni gcad du ma mchis pa lags la/ tshig thams cad ni chos kyi dbyings su yang dag par 'du ba'i slad du'o/ /smras pa/ gang khyod kyis bdag byis pa so so'i skye bo thams cad dang mnyam ste bzhag pa de
176a4 khyod 'gyod par mi 'gyur ram/ smras pa/ btsun pa 'od srung chen po gal te bdag gis gnas brtan yang tha dad la byis pa so so'i skye bo thams cad kyang tha dad par bzhag pa ni de ltar bdag 'gyod par 'gyur ba zhig na gang gi slad du bdag gis gnas brtan
176a5 byis pa so so'i skye bo thams cad dang tha mi dad par bzhag pa des na bdag 'gyod par mi 'gyur ro/ /btsun pa mtshungs zhes bgyi ba de ni chos thams cad tha dad pa ma mchis pa dang / nam mkha' dang mtshungs pa nyid kyi tshig lags so/ /smras pa/ bu
176a6 mo ci khyod so so'i skye bo rnams dang mtshungs sam 'on te 'phags pa rnams dang mtshungs/ smras pa/ btsun pa bdag ni so so'i skye bo rnams dang mtshungs pa yang ma lags/ 'phags pa rnams dang mtshungs pa yang ma lags so/ /de ci'i slad du zhe na/
176a7 gal te bdag so so'i skye bo rnams dang mtshungs na ni bdag ni byang chub sems dpa'i spyod pa don ma mchis par 'gyur ro/ /ji ste 'phags pa rnams dang mtshungs na ni nyan thos rnams dang mtshungs par 'gyur te/ de lta na ni bdag sangs rgyas kyi chos rnams las
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo