rKTs

e-texts navigator

Volume

Page

175a₁ dag par rdzogs pa'i byang chub mngon par rdzogs par 'tshang rgya bar mi nus so/ /zhes gsungs pa de ni skyes pa'i lus kyis kyang mngon par rdzogs par 'tshang rgya bar mi nus so/ /de ci'i slad du zhe na/ de bzhin gshegs pas 'di skad du mig ni
175a₂ skyes pa yang ma yin/ bud med kyang ma yin no/ /de bzhin du rna ba dang / sna dang / lce dang / lus dang / yid ni bud med kyang ma yin/ skyes pa yang ma yin no zhes gsungs pa'i phyir ro/ /btsun pa 'od srung chen po de ci'i slad du zhe na/ mig ni stong pa
175a₃ ste/ stong pa gang lags pa de la ni bud med kyang ma mchis/ skyes pa yang ma mchis pa'i slad du'o/ /btsun pa 'od srung chen po de bzhin du rna ba dang / sna dang / lce dang / lus dang / yid ni stong pa ste/ stong pa gang lags pa de la ni bud med kyang ma mchis/
175a₄ skyes pa yang ma mchis pa'i slad du'o/ /btsun pa de la mig khong du chud pa gang lags pa de ni byang chub lags so/ /rna ba dang / sna dang / lce dang / lus dang / yid khong du chud pa gang lags pa de ni byang chub lags so/ /byang chub gang lags pa de la ni bud
175a₅ med kyi chos rnams sam/ skyes pa'i chos rnams ma mchis so/ /btsun pa 'od srung chen po de lta bas na byang chub kyi ngo bo nyid gang lags pa de ni bdag gi ngo bo nyid kyang de lags so/ /smras pa/ bu mo ci khyod byang chub yin nam/ smras pa/ gnas brtan
175a₆ dang bdag cag gnyis ka yang byang chub lags so/ /smras pa/ bu mo kho bo ni byang chub ma yin gyi kho bo ni nyan thos yin no/ /smras pa/ btsun pa 'od srung chen po khyod sus btul/ smras pa/ bu mo kho bo ni de bzhin gshegs pas btul to/ /smras pa/
175a₇ gnas brtan gal te de bzhin gshegs pas btul na gal te de bzhin gshegs pa mngon par rdzogs par sangs ma rgyas su zin na/ de bzhin gshegs pas gnas brtan gdul bar spyod dam/ /bu mo de ni ma yin no/ /smras pa/ btsun pa 'od srung chen

_{iiif viewer powered by OpenSeadragon}

174b - 175b

Texts on this page