rKTs

e-texts navigator

Volume

Page

171a₁ bcom ldan 'das la lha ma yin gyi dbang po sgra gcan gyis yang 'di skad ces gsol to/ /bcom ldan 'das chos du dang ldan na byang chub sems dpa' lus che ba nyid dang / gzugs che ba nyid dang / 'khor che ba nyid dang / sems che ba nyid thob
171a₂ par 'gyur lags/ bcom ldan 'das kyis bka' stsal pa/ sgra gcan chos bzhi dang ldan na byang chub sems dpas lus che ba nyid 'thob par 'gyur te/ bzhi gang zhe na/ 'di lta ste/ gzhan dag gi spyod lam la mi 'phya ba dang / de bzhin gshegs
171a₃ pa'i sku rnam pa thams cad yongs su rdzogs par byed du 'jug pa dang / sems can bye ba dang / 'thabs pa rnams bsdums shing 'thun par bkod nas bla na med pa yang dag par rdzogs pa'i byang chub la 'dzud pa dang / sems can thams cad la dbang po zhe 'gras
171a₄ pa med pa ste/ chos bzhi po de dag dang ldan na byang chub sems dpas lus che ba nyid thob par 'gyur ro/ /chos bzhi dang ldan na byang chub sems dpas gzugs che ba nyid thob par 'gyur te/ bzhi gang zhe na/ 'di lta ste/ rgyan rnam pa sna tshogs sbyin pa dang / phangs pa'i
171a₅ dngos po thams cad yongs su gtong ba dang / de bzhin gshegs pa la byams pa'i mig gis lta ba dang / gzhan byad bzhin bzang po dag la phrag dog dang / ser sna mi byed pa ste/ chos bzhi po de dag dang ldan na byang chub sems dpas gzugs che ba nyid thob
171a₆ par 'gyur ro/ /chos bzhi dang ldan na byang chub sems dpas 'khor che ba nyid thob par 'gyur te/ bzhi gang zhe na/ 'di lta ste/ phra ma'i tshig spong zhing gzhan gyi 'khor mi 'byed pa dang / gzhan gyi 'khor la dga' ba dang / byang chub kyi sems shin tu brtan
171a₇ pa dang / gzhan dag byang chub la 'dzud pa ste/ lha ma yin gyi dbang po chos bzhi po de dag dang ldan na byang chub sems dpas 'khor che ba nyid thob par 'gyur ro/ /chos bzhi dang ldan na byang chub sems dpas sems che ba nyid 'thob par 'gyur te/ bzhi gang zhe na/

_{iiif viewer powered by OpenSeadragon}

170b - 171b

Texts on this page