| e-texts navigator |
| བོད་ཡིག |
169b1 par 'gyur ro/ /thabs kyis brgyan na 'dus byas dang / 'dus ma byas kyi bde ba yongs su rdzogs par 'gyur ro/ /klu'i bdag po mdor na dge ba bcu'i las kyi lam 'di dag kho nas de bzhin gshegs pa'i stobs bcu yongs su rdzogs pa dang / mi 'jigs
169b2 pa bzhi yongs su rdzogs pa dang / sangs rgyas kyi chos thams cad yongs su rdzogs par 'gyur te/ klu'i bdag po de lta bas na dge ba bcu'i las kyi lam 'di dag rgyas par rnam par dbye ba dang / brgyan par brtson par bya'o/ /klu'i bdag po dper na grong dang
169b3 grong khyer dang / grong rdal dang / ljongs dang / yul 'khor dang / rgyal po'i pho brang thams cad dang / rtswa dang / shing gel pa dang / sman dang / shing thams cad dang / las kyi mtha' thams cad dang / sa bon gyi tshogs thams cad dang / lo tog
169b4 thams cad skye zhing rmo ba dang / shal bas bshal ba dang / 'byung ba rnams ni sa la gnas te/ de dag gi gnas ni sa yin no/ /klu'i bdag po de bzhin du dge ba bcu'i las kyi lam 'di dag ni lha dang / mir skye ba dang / slob pa dang / mi slob pa'i dge sbyong
169b5 gi 'bras bu 'thob pa dang / rang sangs rgyas kyi byang chub dang byang chub sems dpa'i spyod pa thams cad dang / sangs rgyas kyi chos thams cad kyi gnas yin no/ /dge ba bcu'i las kyi lam la gnas pa zhes bya ba'i le'u ste drug pa'o// //de nas
169b6 bcom ldan 'das la klu'i rgyal po rgya mtshos 'di skad ces gsol to/ /bcom ldan 'das chos kyi sgor 'jug pa gang dang ldan na byang chub sems dpa' sngon gyi las kyi sgrib pa'i nongs pa rnams spong zhing las kyi sgrib pa thams cad spangs nas kyang khyad par gyi gnas su
169b7 mchi bar 'gyur ba'i chos kyi sgor 'jug pa gang lags/ bcom ldan 'das kyis bka' stsal pa/ klu'i bdag po chos gcig gis las kyi sgrib pa thams cad rgyun chad par 'gyur te/ chos gcig po gang zhe na/ 'di lta ste/ sdom pa la gnas pa nyes pa byung
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo