rKTs

e-texts navigator

Volume

Page

168b₁ par yang 'gyur ro/ /byang chub sems dpa'i spyad pa spyod pa na yang bsam pa 'thun pas byang chub sems dpa'i g.yog 'khor 'thob bo/ /ngag rtsub po spangs pa'i byang chub sems dpas sbyin pa byin na longs spyod che bar 'gyur zhing tshig btsun par 'gyur la tshig sun dbyung
168b₂ du med par yang 'gyur ro/ /byang chub sems dpa'i spyad pa spyod pa na yang 'khor ma mgu bar su yang mi 'gro'o/ /tshig kyal pa spangs pa'i byang chub sems dpas sbyin pa byin na longs spyod che bar 'gyur zhing tshig snyan par yang 'gyur ro/ /byang chub sems dpa'i spyad pa spyod
168b₃ pa na yang the tsom thams cad gcod pa la mkhas par 'gyur ro/ /brnab sems spangs pa'i byang chub sems dpas sbyin pa byin na longs spyod che bar 'gyur zhing longs spyod dang yongs su spyad pa rgya chen po dag la de'i sems 'jug par 'gyur ro/ /byang chub sems
168b₄ dpa'i spyad pa spyod pa na yang rgya chen po la mos shing dbang che bar grags par 'gyur ro/ /gnod sems spangs pa'i byang chub sems dpas sbyin pa byin na longs spyod che bar 'gyur zhing mdzes pa dang / skye bo mang po dga' zhing yid du 'ong bar yang 'gyur ro/ /byang
168b₅ chub sems dpa'i spyad pa spyod pa na yang blo thogs pa med cing sems thogs pa med la dbang po ma tshang ba med par 'gyur ro/ /log par lta ba spangs pa'i byang chub sems dpas sbyin pa byin na longs spyod che bar 'gyur zhing sangs rgyas la dad pa dang yang dag par lta ba'i
168b₆ khyim du skye'o/ /byang chub sems dpa'i spyad pa spyod pa na yang sangs rgyas la lta ba dang / chos nyan pa dang / dge 'dun la bsnyen bkur byed pa dang / byang chub tu sems bskyed pa dang 'bral bar mi 'gyur ro/ /klu'i bdag po dge ba bcu'i las kyi lam 'di
168b₇ dag sbyin pas brgyan na de ltar mthu che zhing phan yon che la byin che zhing rgya che bar 'gyur ro/ /dge ba bcu'i las kyi lam 'di dag nyid tshul khrims kyis brgyan na sangs rgyas kyi chos thams cad la smon pa yongs su rdzogs par byed do/ /bzod pas brgyan na

_{iiif viewer powered by OpenSeadragon}

168a - 169a

Texts on this page