rKTs

e-texts navigator

Volume

Page

168a₁ pa'i lam du zhugs pa dang / 'jig tshogs la lta ba las bskyod de sdig pa'i lta ba thams cad dang bral ba dang / sgrib pa med par mthong ba yin te/ yang dag par song ba yang dag par zhugs pa dang / lha dang mi rnams kyi nang na mi khom pa dang
168a₂ bral ba yin te bcu po de dag go/ /log par lta ba spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su sngo na/ des de byang chub thob pa na sangs rgyas kyi chos thams cad de la mngon sum du 'gyur zhing mngon par shes pa myur
168a₃ ba'i de bzhin gshegs par 'gyur ro/ /klu'i bdag po de la srog gcod pa spangs pa'i byang chub sems dpas sbyin pa byin na longs spyod che bar 'gyur zhing / tshe ring bar yang 'gyur ro/ /byang chub sems dpa'i spyad pa spyod pa na yang gzhan gyis gnod par bya ba
168a₄ thams cad las yang dag par 'da' bar 'gyur ro/ /ma byin par len pa spangs pa'i byang chub sems dpas sbyin pa byin na/ longs spyod che bar 'gyur zhing longs spyod mi 'phrogs par yang 'gyur ro/ /byang chub sems dpa'i spyad pa spyod pa na yang dge ba'i rtsa ba
168a₅ thams cad yang dag par bsgrubs pas bla na med pa thob par 'gyur ro/ /'dod pa la log par g.yem pa spangs pa'i byang chub sems dpas sbyin pa byin na longs spyod che bar 'gyur zhing chung ma mi g.yem par yang 'gyur ro/ /byang chub sems dpa'i spyad pa spyod pa na yang
168a₆ de'i ma dang / bu dang chung ma la su yang chags pa'i sems kyis lta bar mi 'gyur ro/ /du smra ba spangs pa'i byang chub sems dpas sbyin pa byin na/ longs spyod che bar 'gyur zhing longs spyod mi 'phrogs pa dang / skur pa 'debs pa med par 'gyur ba'i lam
168a₇ yang yongs su 'dzin par 'gyur ro/ /byang chub sems dpa'i spyad pa spyod pa na yang ji skad smras pa de bzhin du byed de dam bcas pa brtan par 'gyur ro/ /phra ma spangs pa'i byang chub sems dpas sbyin pa byin na longs spyod che bar 'gyur zhing g.yog 'khor mi phyed

_{iiif viewer powered by OpenSeadragon}

167b - 168b

Texts on this page