| e-texts navigator |
| བོད་ཡིག |
167b1 pas rgyal po bdag pos mchod pa dang / sngon phrag dog med pas longs spyod ji ltar smon pa rnams 'bum gyur du khyad du 'gyur ba 'thob pa ste lnga po de dag go/ /dge ba'i rtsa ba de gal te bla na med pa yang dag par rdzogs pa'i byang chub tu yongs su sngo na/ des de 'jig
167b2 rten gsum gyis mchod pa'i de bzhin gshegs pa ston pa gcig pur 'gyur ro/ /klu'i bdag po gnod sems spangs pa'i skyes bu gang zag ni yid bde bar byed pa'i chos brgyad 'thob ste/ brgyad gang zhe na/ de'i sems rnam par mi 'tshe ba la 'jug pa dang /
167b3 de'i gnod sems rab tu zhi ba la 'jug pa dang / de'i sems rtsod pa med cing 'thab pa med pa la 'jug pa dang / de'i sems 'jam pa dang mnyen pa dang / des pa la 'jug pa dang / byams pa'i sems dang ldan pa'i phyir 'phags pa'i skye bos bkur ba dang /
167b4 sems can thams cad kyi bde ba la mngon par dga' ba'i phyir phan pa'i dngos po mang ba dang / skye bo mang pos bkur sti bya ba'i phyir mdzes pa dang / sems 'jam zhing las su rung ba'i phyir de tshangs pa'i 'jig rten du skye bar dka' ba med pa ste/ brgyad po de dag go/ /
167b5 dge ba'i rtsa ba de gal te bla na med pa yang dag par rdzogs pa'i byang chub tu yongs su sngo na/ des de sems thogs pa med pa'i de bzhin gshegs pa lta bas chog mi shes par 'gyur ro/ /klu'i bdag po log par lta ba spangs pa'i skyes bu gang zag ni yon tan
167b6 gyi chos bcu 'thob ste/ bcu gang zhe na/ bsam pa dge bar 'gyur zhing grogs po dge ba rnyed pa dang / las kyi rnam par smin pa la yid ches te/ srog gi phyir yang sdig pa'i las mi byed pa dang / lhar sangs rgyas 'dzin te gzhan lhar mi 'dzin pa dang /
167b7 dge mtshan dang bkra shis su 'dzin pa med pas lta ba drang ba dang / grogs lha dang mi yin te/ dud 'gro'i skye gnas dang / gshin rje'i 'jig rten gyi grogs ma yin pa dang / bsod nams 'bar bas khyad par du 'gro ba dang / log pa thams cad med pas 'phags
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo