| e-texts navigator |
| བོད་ཡིག |
167a1 yongs su sngo na/ des de g.yog 'khor mi phyed pa'i de bzhin gshegs pa dgra bcom pa yang dag par rdzogs pa'i sangs rgyas su 'gyur te/ de'i 'khor bdud dang phas kyi rgol ba thams cad kyis dbye bar mi nus so/ /klu'i bdag po
167a2 ngag rtsub po spangs pa'i skyes bu gang zag ni ngag yongs su dag pa brgyad 'thob la/ shi 'phos na yang lha dang mi rnams kyi nang du skye bar 'gyur te/ brgyad gang zhe na/ 'di lta ste/ ran pa'i tshig dang / phan pa'i tshig dang / rigs pa'i tshig dang / 'jam
167a3 pa'i tshig dang / gzung ba'i tshig dang / mnyan pa'i tshig dang / skye bo mang po dga' ba'i tshig dang / mi smad pa'i tshig ste/ brgyad po de dag go/ /dge ba'i rtsa ba de gal te bla na med pa yang dag par rdzogs pa'i byang chub tu yongs su sngo na/ des de tshangs
167a4 pa'i sgra skad kyi gdangs can gyi de bzhin gshegs par 'gyur ro/ /klu'i bdag po tshig kyal pa spangs pa'i skyes bu gang zag ni gcig tu nges pa gsum 'thob ste/ gsum gang zhe na/ mkhas pa rnams gcig tu nges par dga' ba dang / lan legs par
167a5 glon pas gcig tu nges par de'i blo bden pa la 'gro ba dang / bcos ma ma yin pas gcig tu nges par lha dang mi'i bdag nyid chen po 'thob pa ste/ gsum po de dag go/ /dge ba'i rtsa ba de gal te bla na med pa yang dag par rdzogs pa'i byang chub tu yongs su sngo na/
167a6 des de phyad par lung ston cing gzhan du mi gsung ba'i de bzhin gshegs par 'gyur ro/ /klu'i bdag po brnab sems spangs pa'i skyes bu gang zag ni bdag po'i chos lnga 'thob ste/ lnga gang zhe na/ dbang po ma tshang ba med pas lus dang / ngag dang / sems
167a7 kyi bdag po 'thob pa dang / dgra thams cad kyis mi rdzi bas longs spyod dang dbang phyug rgya chen po'i bdag po 'thob pa dang / bsod nams la dbang byed pas de'i sems nye bar spyad pa dang / longs spyod rgya chen po rnams la 'jug pa dang phyis bkrab pa thob
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo