rKTs

e-texts navigator

Volume

Page

166b₁ chos bzhi 'thob ste bzhi gang zhe na/ dbang po bsdams pa dang / rgol ba las yang dag par 'das pa dang / 'jig rten thams cad kyis bsngags pa dang / chung ma mi 'phrogs pa ste bzhi po de dag go/ /'dod pa la log par g.yem pa spangs pa'i dge ba'i
166b₂ rtsa ba de gal te/ bla na med pa yang dag par rdzogs pa'i byang chub tu yongs su sngo na/ des de skyes bu chen po'i mtshan mdoms kyi sba ba sbubs su nub pa 'thob bo/ /klu'i bdag po du smra ba spangs pa'i skyes bu gang zag ni lha dang mis bsngags pa'i chos brgyad
166b₃ 'thob ste/ brgyad gang zhe na/ ut+pa la'i dri 'byung bas kha dog yongs su dag pa 'thob pa dang / 'jig rten thams cad kyi tshad mar 'gyur ba dang / lha dang mi dga' bas dpang gcig pur 'gyur ba dang / yang dag pa'i bsam pa dang ldan pas dogs pa med par
166b₄ 'gyur ba dang / lhag pa'i bsam pa phun sum tshogs pas lus dang ngag dang sems yongs su dag par 'gyur ba dang / tshig 'khrul pa med pas mchog tu dga' ba mang bar 'gyur ba dang / tshig gzung bar 'os pas ngag mnyan par 'gyur ba dang / shes rab thob pas
166b₅ lha dang mir skyes na yang dpang gcig pur 'gyur ba yin te/ brgyad po de dag go/ /du smra ba spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su sngo na/ des de bden pa'i rjes su 'jug pa'i tshig tu 'gyur ro/ /klu'i
166b₆ bdag po phra ma spangs pa'i skyes bu gang zag ni mi phyed pa lnga 'thob ste/ lnga gang zhe na/ gzhan gyis gnod par bya ba dang bral bas lus mi phyed pa 'thob pa dang / gzhan dag gi la chags pa med pas g.yog 'khor mi phyed pa 'thob pa dang / las kyi rnam par smin
166b₇ pa mthong bas dad pa mi phyed pa 'thob pa dang / sgrub pa snying por byed pas chos las mi phyed pa 'thob pa dang / mi slu bas mdza' bshes mi phyed pa 'thob pa ste/ lnga po de dag go/ /dge ba'i rtsa ba de gal te bla na med pa yang dag par rdzogs pa'i byang chub tu

_{iiif viewer powered by OpenSeadragon}

166a - 167a

Texts on this page